2017-shi jyl Qazaqstan úshin "Qytaıdyń týrızm jyly" bolyp tabylady. Qazirgi tańda eki memlekettiń týrızm salasyndaǵy yntymaqtastyǵy kúnnen kúnge kúsheıe túsýde. Pekın qalasy týrızmdi damytý komıteti Astana EKSPO-2017 kórmesiniń Qytaı pavılonynda Pekın aptalyǵynyń ashylýyna qatysqannan keıin, 19-maýsym kúni Almaty qalasyndaǵy RİXOS meıramhanasynda Astana EKSPO-2017 Halyqaralyq kórmesi aıasynda Almaty – Pekın saýda-ekonomıkalyq yntymaqtastyq semınary bolyp ótti. Oǵan Pekın qalasynyń delegasıasy, saýda palatasy ókilderi jáne Almaty qalasy ákimdiginiń qyzmetkerleri, QR «Atameken» ulttyq Kásipkerler palatasynyń, Qazaqstan – Qytaı saýda qarym-qatynasyn arttyrý palatasynyń músheleri, sondaı-aq, otandyq kásipkerler qatysty.
Shara barysynda Pekın qalasy delegasıasynyń jetekshisi Pekın qalasy týrızmdi damytý komıtetiniń basshysy Djaý GýangCHaý sóz sóıledi. Ol óz sózinde Pekın jáne Almaty qalalary arasyndaǵy saýda-ekonomıkalyq qatynastar jańa baǵytta damyp kele jatqanyn tilge tıek etti. Al odan keıin sóz alǵan Almaty qalasy ákiminiń orynbasary Rýmıl Taýfıkov eki el arasynda «Nurly jol» jáne «Jibek joly» baǵdarlamalary jolǵa qoıylyp, «Bir beldeý – bir jol» jobasy júzege asyryla bastaǵanyn atap aıtty. Bul rette, aldymen Ortalyq Azıa, TMD elderi men odan ári Eýropaǵa jáne Parsy shyǵanaǵyna shyǵýǵa mol múmkindikter ashatyn «Bir beldeý – bir jol» jobasynyń mańyzdylyǵyna toqtaldy. Sosyn, onyń oryndalýynda Almatynyń alatyn orny aıryqsha ekendigin aıta kelip, qazirgi tańda Almaty qalasynda 296 birlesken kásiporyndar jumys isteıtinin tilge tıek etti.
(sýret: Bıznes-múmkindikter týraly Almaty-Pekın yntymaqtastyǵy jónindegi konferensıa)
(Almaty obylysy týrızm basqarmasy SYRTQY BAILANYSTAR, MEMLEKETTİK QYZMETTER KÓRSETÝ JÁNE INVESTISIALYQ JUMYSTAR BÓLİMİ bólim basshysy Orazbaev Baqytjan Qabdollauly men Pekın qalasy týrızmdi damytý komıteti basshysy Djaý GýangCHaý myrza)
Komıtet múshesi Djaý GýangCHaý konferensıaǵa qatysqan ókilderdi Pekındegi týrızmmen jáne týrızm saıasaty týraly tıisti aqparatpen tanystyryp, Pekınniń baı tarıhy men mádenı murasy jóninde, joǵary deńgeıdegi qabyldaý jáne qyzmet kórsetý múmkindigin, taǵamdar men taýarlardyń san alýandyǵyn, sondaı-aq, ár-túrli saýyqtyrý sharalary týraly áńgimelep berdi. Sóz sońynda ol Almatydaǵy áriptesterine Pekındegi kórikti jerlerdi tanystyrdy ári Pekındegi týrısik agenttikterin usyndy, jaǵdaıdy paıdalana otyryp, birlesip damýǵa Almatydaǵy týrızm salasymen tyǵyz yntymaqtasýǵa degen tilegin bildirdi.
Mine, osyndaı eki taraptyń kásipkerleri qozǵaǵan saýda-yntymaqtastyq qatynastar týraly naqty sózderden soń, eki jaqtyń ár saladaǵy kásipkerleri arasynda yntymaqtastyq týraly memorandýmǵa qol qoıý rásimderi boldy. Taraptar týrısik saladaǵy bazalyq ınfraqurylymdy jetildirýge, tıisti týrıstik marshrýttaryn damytýǵa, týrızmniń jańa modelderin jasaýǵa jáne ózge aspektilerde ózara túsiniktik negizinde yntymaqtastyq pen tájirıbe almasýdy kúsheıtýge, jeke ókilettilikter salasynda uzaq merzimdi ári jan-jaqty týrıstik qarym-qatynastaryn damytýǵa árekettesýge kelisti.
Konferensıadan keıin Pekın qalasy týrızm jónindegi komıteti men týrıstik uıymdary Almaty oblysynyń Týrızm basqarmasynyń basshylarymen, Almaty qalasy týrızm basqarmasy týrısik aqparat ortalyǵy jáne syrtqy baılanystar bólimi, sondaı-aq, jergilikti týrısik kásiporyndarymen kelissózder ótkizdi; Almaty qalasy men Almaty oblysynyń týrızm basqarmasy jergilikti týrısik resýrstaryn damytyp jáne ony kópshilik arasynda tanymal etip, sonyń arqasynda odan da kóp týrıserdi keltirip, Pekın qalasy týrızm komıtetimen yntymaqtasýynda tyǵyz qatynas ornatylatynyna úmittenedi. Pekın qalasy týrızm jónindegi komıtet múshesi Djao GýangCHao málimdegendeı, bolashaqta Pekın Almatymen týrızm salasyndaǵy yntymaqtastyqty nyǵaıtýdy, Almaty men Pekınniń týrızm salasyn damytý boıynsha is-sharalardy uıymdastyrýyna qoldaý kórsetýdi jáne kómektesýdi, týrıstik agenttikterin belsendi túrde qurýdy jáne buqaralyq aqparat quraldaryn iske qosýdy, Almaty qalasy týrıstik resýrstaryn usyný úshin tıisti arnalardy paıdalanýdy, týrızm men mádenı almasý salasyndaǵy eki jaqty yntymaqtastyqqa árekettesýdi kózdeıdi, bul «Bir beldeý – bir jol» atty halyqaralyq yntymaqtastyq baǵdarlamasyna ońtaıly úles qosady.
