Dúnıejúzi qazaqtarynyń V quryltaıynda Germanıadan kelgen qandasymyz Ómirhan Altynnyń minberden sóılegen sózin Eýropa nazarǵa aldy dep jazady Qamshy.kz.
Ómirhan Altynnyń quryltaı minberindegi sózine Germanıa saıasatkerleri nazar aýdarǵan.
(MARGARETE BAUSE)
Bavarıa parlamentiniń adam quqyqtary salasyndaǵy belgili músheleriniń biri, Jasyldar partıasynyń depýtaty Margarete Bause hanymnyń jeke keńesshisi Helga Iding hanym 27.06.2017 kúni Ómirhan Altynmen Parlament úıinde shuǵyl túrde kezdesip, Qytaıdyń qazaqtary tap bolyp jatqan zań buzýshylyqtar men qysym-qýdalaýlar týraly málimetter surap, aldaǵy ýaqytta bul máselege jalpy Germanıadaǵy, Eýropadaǵy adam quqyqtaryn qorǵaýshylar retinde basa nazar aýdaratyndyqtaryn málim etti.
Eske sala ketsek, Dúnıejúzi qazaqtarynyń V Quryltaıynda qandasymyz Ómirhan Altyn kezekten tys minberge shyǵyp sóz sóılep, Shyńjańdaǵy etnıkalyq qazaqtardyń jaǵdaıyna Elbasynyń mán berýin suraǵan bolatyn.
Qazaqstan prezıdenti Nursultan Nazarbaev ol týraly beıhabar ekenin aıtyp, syrtqy ister mınıstrligine tapsyrma berýge ýáde etken edi.
