Ispan tildi «El Patriota» gazeti jaqynda ǵana erekshe adamǵa arnalǵan adam sengisiz aqparat jarıalady. Adolf Gıtler tiri eken.

Iá, ıá... Argentınanyń 128 jastaǵy turǵyny, nemis emıgranty ózin naǵyz Adolf Gıtlermin dep álemge jar saldy, dep jazady Qamshy aqparattyq agenttigi.

Ózin burynǵy nemis dıktatorymyn dep sendirgisi keletin er adamnyń esimi German Gýtenberg. Ol sońǵy 70 jylda moınyna artylǵan qylmystarǵa qatysty ózge esimmen jasyrynyp kelgenin aıtady. Ekinshi dúnıjúzilik soǵys kezindegi áskerı qylymskerlerdi izdeý doǵarylǵan soń qarıa óziniń shyn mánisinde kim ekenin moıyndamaq bolǵan.

Onyń ústine, er adam ózine taǵylǵan aıyptardy moıyndamaıtyn kórinedi. Soǵysta jeńiske jetkende, jaǵdaı múldem basqasha bolatyndyǵyn aıtty. Sondaı-aq, naǵyz Adolf Gıtlerdiń, ıaǵnı «óziniń» elge beımálim aqparattaryn jınastyryp, avtobıografıa jazýdy nıet etip otyr eken.

Alaıda jasy kelgen adam demensıaǵa shyldaqqandyqtan adamdar oǵan senýden aýlaq. Tipti 55 jyl otasqan áıeli Angela Martınezdiń ózi senbeıdi eken.

Áıeliniń aıtýynsha, kúıeýiniń áskerı qylmystarǵa qatysy bar, alaıda Adolf Gıtler emes ekenine ol nyq senimdi. Onyń ústine, German Gýtenberg Alsgeımer aýrýyna shaldyqqanyn, bul ýaqytqa deıin aýzynan Adolf Gıtlermin degen sózdi múldem estimegenin aıtty.

Aıta keteıik, el arasynda Gıtler jaıynda taraǵan ańyz kóp. Bázbireýler Gıtler soǵys biter sátte ushaqpen Antarktıdaǵa qashyp ketken desedi. Fúrer sonda Eva Braýn ekeýi  20 jyl baqytty ǵumyr keshipti-mys. Jo-joq, Gıtler 1945 jyldyń mamyrynda súńgýir qaıyqpen Argentınaǵa ketken. Sonda ol argentınalyq nasıstermen birge ómir súrip, 1964 jyly qaıtys bolǵan. Anyq-qanyǵy belgisiz osyndaı málimetter ekinshi dúnıejúzilik soǵystyń tarıhyn zertteýshilerdiń  basyn qatyra bastady. Sebebi Gıtler 1945 jyly ózin-ózi óltirdi degenge kúmán keltiretin birqatar faktiler bar, al  tiri deýge  dálel joq.  Biraq, jel turmasa shóptiń basy qımyldamaıtyny taǵy bar.

Sholýshy: Gúlim Jaqan