Bul týraly Ortalyq komýnıkasıalar qyzmetinde ótken baspasóz konferensıada QR Bilim jáne ǵylym mınıstrligi búdjettik josparlaý departamentiniń dırektory Sandýǵash Jaqypova málimdedi.

Jıyn barysynda  QR Ulttyq ekonomıka mınıstrliginiń Salalyq ekonomıka departamentiniń dırektory Erjan Qazanbaev jańa mektepter men balabaqshalar qurylysy týraly aıtyp, búginde 52 bilim berý nysany iske qosylǵanyn tilge tıek etti. Ol Memleket Basshysynyń tapsyrmasyna sáıkes 2018 jylǵa qaraı úshaýysymdyq oqytýdy joıý jáne apattyq jaǵdaıdaǵy mektepterdi azaıtý boıynsha, sondaı-aq 3-ten 6 jasqa deıingi balalardy mektepke deıingi tárbıemen qamtamasyz etý úshin 105 bilim berý nysanynyń, onyń ishinde 91 mektep, 19 balabaqsha qurylysyna 77 mlrd.teńge bólinip otyrǵanyn eske saldy. 

 «Búginde 53 bilim berý nysany iske qosyldy, onyń 35-i mektep jáne 17-si balabaqsha. Aǵymdaǵy jyly qosymsha 71,7 mlrd.teńge josparlanýda. Bul buryn bastalǵan 58 bilim berý nysanyn aıaqtaýǵa jáne 56 jańa nysannyń qurylysyn bastaýǵa múmkindik beredi», - dedi spıker. 

Sonymen birge QR Bilim jáne ǵylym mınıstrligi búdjettik josparlaý departamentiniń dırektory Sandýǵash Jaqypova 52 bilim nysanynyń qaı oblystarda iske qosylǵanyn baıandady. «Bul nysandardyń barlyǵy elimizdiń ár oblystarynda bar. Olardyń ishinde eń kóbi Almaty oblysynda 10 mektep, Ońtústik Qazaqstan oblysynda 10 mektep, Aqtóbe, Jambyl oblystarynda 5 mektepterden, Shyǵys Qazaqstan oblysy, Qaraǵandy, Qyzylorda, Soltústik Qazaqstan oblystarynda 3 nysan, qalǵan oblystardy 1,2 nysannan iske qosyldy»  - dedi spıker.