Asa aýyr salmaqtaǵy WBA Super, IBF, IBO belbeýleriniń ıegeri Entonı Djoshýanyń promoýteri Eddı Hırn Sky Sports arnasyna suqbat berip, aldaǵy ýaqytta Djoshýa men ýkraınalyq Vladımır Klıchko arasyndaǵy ekinshi kezdesýdi ekinshi ret ótetinin josparlap júrgenin aıtty.

Bul eki boksshy arasyndaǵy ekinshi kezdesý Las-Vegas qalasynda ótý ábden múmkin. Qazirgi ýaqytta Las-Vegastyń eki birdeı sport kesheni – MGM Grand pen T-Mobile Arena bul boks keshin qabyldaýǵa úmitti. Derekkózdiń málimeti boıynsha, promoýter jekpe-jekti 11 nemese 18 qarashada ótkizýdi josparlap otyr.

«Biz Las-Vegasta Rıchard Shtýrm jáne  MGM Grand sport kesheniniń qojaıynymen kezdestik. Sonymen qatar T-Mobile Arena ishin aralap shyqtyq. Rasynda ekeýi de keremet keshender. Eki sport kesheni de jekpe-jekti qabyldaýǵa zor nıet bildirip otyr. Meniń oıymsha, kelesi aptada Djoshýa men Klıchkonyń revanshy qaıda ótetini belgili bolady», – deıdi Hırn.

Eske salaıyq, Djoshýa men Klıchko arasyndaǵy 29 sáýir kúni «Ýemblı» stadıonynda ótken kezdesý brıtandyq boksshynyń jeńisimen aıaqtalǵan edi. Ol jekpe-jektiń 11 raýndynda Entonı qarsylasyn nokaýtqa túsirdi.

Al T-Mobile speort kesheni 20 myń jankúıerge arnalǵan. Dál osy jerde 26 tamyz kúni amerıkalyq kishi Floıd Meıvezer men ırlandıalyq Konor MakGregor arasyndaǵy kezdesý ótse, 16 qyrkúıek kúni qazaqstandyq Gennadıı Golovkın men meksıkalyq Saýl «Kanelo» Alvares jekpe-jek ótkizedi.