Kásipqoı boksta qazaqtyń týyn jedbiretip júrgen jigitter Meıirim Nursultanov, Madıar Áshkeev jáne Asqat Ýalıhanov Búkilálemdik boks serıasynyń WSB jobasy boıynsha fınalǵa shyqqan «Astana Arlans» boksshylaryna sáttilik tiledi.

«– Assalaýmaǵaleıkým, barsha qazaqstandyqtar! Qazaqstan ulttyq qurama komandasynyń «Astana Arlans» klýbynyń jigitterine 15 shilde kúni ótetin «Cuba Domadores» komandasyna qarsy fınaldyq kezdesýde jeńis jáne sáttilik tileımiz. Alǵa, Qazaqstan! Alǵa, «Astana Arlans»! – dedi boksshylar.

Esterińizge sala keteıik, Meıirim Nursultanov, Madıar Áshkeev jáne Asqat Ýalıhanov buryn osy «Astana Arlans» komandasynda birneshe maýsym boıy ter tógip, WSB jobasy aıasynda jeńimpaz atanǵan bolatyn. Qazir bul úsh azamat ta kásipqoı boksqa aýysyp, jeńis tuǵyrynan kórinip júrgen azamattar.

Qaperińizge salaıyq, 15 shilde, ıaǵnı, erteń Astana qalasyndaǵy «Qazaqstan» sport kesheninde bıylǵy jetinshi maýsymnyń fınalyna shyqqan «Astana Arlandary» men «Kýba qabylandary» sharshy alańda kezdesedi. 75 keli salmaq dárejesi boıynsha Ábilhan Amanqul jaraqatyna qaramaı maıdanǵa shyǵatynyn ótkende jazǵan bolatynbyz.

«Arlandardyń» quramy men olardyń qarsylastary jaıly Arlandardyń bas bapkeri Nurlan Aqúrpekov tilshimizge suhbat bergen bolatyn.

Ularbek Dáleıuly