Din isteri jáne azamattyq qoǵam mınıstri asa aýyr qylmys jasaǵany úshin azamattyqtan aıyrý múmkindigin qarastyratyn zańnamaǵa engizilgen ózgerister týraly túsinikteme berdi dep habarlaıdy Qamshy.kz aqparat agenttigi Din isteri jáne azamattyq qoǵam mınıstri Baspasóz qyzmetine silteme jasap. 

Din máseleleri boıynsha ótken semınar barysynda Din isteri azamattyq qoǵam mınıstri Nurlan Ermekbaev Qazaqstan Respýblıkasynyń Prezıdenti N. Nazarbaev «QR keıbir zańnamalyq  aktilerine olardy QR Konstıtýsıasynyń normalaryna sáıkes keltirý máseleleri boıynsha ózgerister men tolyqtyrýlar engizý týraly» Zańǵa ýaqytyly qol qoıǵanyn habarlady. Oǵan sáıkes terorıstik jáne basqa da asa aýyr qylmys jasaǵan qazaqstandyqtar azamattyǵynan aırylady.

Búgingi tańda shetelde lańkester lagerinde Qazaqstannyń  500 azamaty bar. 

Qazirgi tańda Sırıa-Irak aımaǵynda terorıstik toptar úshin jaǵdaıdyń qıyndap jatqanyn bilemiz. Qylmyskerler sheginý joldaryn, sonyń ishinde ózderiniń burynǵy turǵan jerlerine qaıtý múkindikterin izdestirýde. Alaıda, bul olardyń qylmystyq pıǵyldarynan bas tartqanyn bildirmeıdi.

Sondyqtan, qazaqstandyqtardyń ishinen shyqqan osyndaı adamdar qylmystyq tájirıbe jınaqtap, elimizge aram nıet-oımen oralýy múmkin. Osyǵan oraı, jańa tolyqtyrýlarda azamattyqtan aıyrý múmkindigi qarastyrylýda.

«Másele terorızm aktilerin, terorıstik toptardy qurý jáne basqarý jáne onyń qyzmetine qatysý, sondaı-aq  respýblıkamyzdyń ulttyq jáne ómirlik mańyzy bar múddelerine asa aýyr zıan keltirý týraly bolyp otyr. Sot istiń mán-jaıyn, jasaǵan áreketiniń aýyrlyǵyn, keltirgen zardaptaryn tolyq zerdeleý negizinde erekshe jaǵdaılarda ǵana azamattyǵynan aıyrady» - dep naqtylady mınıstr. 

Týǵan jerin tastap, shetelge terorıstik qurylymdarǵa qatysýǵa ketken adamdar Otanyna opasyzdyq jasaǵandarǵa teńeledi.

Sholýshy: Ásem Álmuhanbet