Amerıkalyq konress Reseıge qarsy jańa sanksıalar boıynsha kelisimge keldi. Oǵan sebep AQSH saılaý aldy kampanıasyna Reseıdiń aralasý múmkindigi boldy, dep jazady Qamshy.kz aqparat agenttigi. Jergilikti BAQ-tyń málimetine súıensek, jańa zańnama AQSH prezıdentine sanksıalardy joıýdy qıyndatpaq oımen de jasalǵan.

6 aı boıy prezıdenttik saılaýda Tramptyń jeńiske jetýiniń astarynda Reseıdiń aralasýy jatyr degen aqpar álemdik BAQ-ty jaılaǵan. Al bul aıyptaýlardy Máskeý joqqa shyǵaryp keldi.

Reseıge qarsy sanksıa – Iran men Soltústik Koreıaǵa qarsy sanksıalardy qarastyratyn jańa zańnamanyń bir bóligi. Ókilder palatasynda daýys berý seısenbige josparlanǵan.

Daýys berý aıaqtalǵan soń qujatqa Donald Tramptyń qoly qoıylady.

Tramp zańǵa áli de tyıym sala alady, alaıda baqylaýshylar tyıym salý Tramptyń Kremldi qoldaǵany jaıynda kúdikti arttyratynyn aıtyp otyr.