«Reseılik fashızmge jol joq» - dál osyndaı mazmunmen jeksenbi kúni Tbılısıdiń ortalyǵyndaǵy Agmashenebelı dańǵylynda júzdegen adam sherýge shyqty. Sherýdi uıymdastyrǵan «Erkindik qozǵalysy – Eýropalyq Grýzıa» partıasy boldy, dep jazady Qamshy.kz aqparat agenttigi.

«Eýropalyq Grýzıa» sherýi ótken oryn týrıser úshin tanymal dańǵyl sanalady. 14 shilde kúni dál sol kóshede kóshi-qon saıasaty men Grýzıadaǵy zańsyz ımıgranttardy qýdalaý maqsatynda «grýzınder marshy» ótken.

 «Eýropalyq Grýzıa» ókilderiniń aıtýynsha, olardyń sherýi atalmysh marshqa jaýap retinde jasaldy. «Grýzıa – fashızm men ksenofobıaǵa oryn joq tolerantty memleket» deıdi sherý ókilderi.

«Bul sherýge biz birneshe kún buryn grýzıalyq qundylyqqa jat pozısıany ustanǵan topqa jaýap retinde shyqtyq. Fashızmge jol joq. Bul aksıa solarǵa qarsy, sondaı-aq álgindeı toptardyń qurylýyna múmkindik beretin bılikke qarsy uıymdastyrylǵan», - dedi partıa basshylarynyń biri Sergı Kapandze Bı-bı-sı tilshisine bergen suhbatynda.

Sherý quqyqqorǵaý organdarynyń baqylaýynda boldy. Sherýshiler «Eýropalyq Grýzıa» basshylaryna sherý ótkizýge qarsy bolǵan toptyń aldyna kelgende, jaǵdaı ýshyǵa tústi.

Qarsy toptyń málimdeýinshe, «Eýropalyq Grýzıa» basshylarynyń Tbılısıdiń ortalyǵynda sherý ótkizýge morldyq quqyqtary joq. Sebebi olar burynǵy úkimet janyndaǵy adam quqyqtaryn buzǵan.

Sherý bastalmas buryn «Grýzınder marshy» tobynyń uıymdastyrýshylary aldyn almaq bolyp, qatysýshylardy keri shegindirýge tyrysyp baqqan. Alaıda, bul áreketteri nátıjesiz boldy.

Polıseı qyzmetkerleri olardy toqtatpaq bolyp, qorshaýǵa kóshken. Sherýshiler toqtaǵan joq: polıseıler arqyly bótelkeler, jumyrtqalar jáne qyzanaqtar tolastamaı ushyp jatty.

Polıseı qyzmetkerleriniń málimetinshe, birneshe adam jeńil jaraqat alǵan. Soǵan qaramastan, «Eýropalyq Grýzıa» sherýi jalǵasyn taýyp, «Mardjanıshvılı» metro beketinde biraq aıaqtalǵan.