24 shildede Bas prokýratýranyń İshki tergeý departamenti QR Sybaılas jemqorlyqqa qarsy is qımyl búrosymen birlese kásipker A-nyń aryzy boıynsha Shymkent qalasynda ótkizgen jedel-izdestirý sharalary barysynda Ońtústik Qazaqstan oblysy prokýratýrasynyń qyzmetkeri jáne Abaı AİİB-niń tergeýshisi 2 mln. teńge kóleminde para alý ústinde ustady. Bul týraly Qamshy.kz aqparat agenttigi 24.kz-ke silteme jasap habarlaıdy.

Ustalǵandar salyq tóleýden jaltarǵan JSHS basshylyǵyn jaýaptylyqqa tartpaý úshin para alǵan. Atalǵan fakt QR QK 366-baby 3-tarmaǵynda kózdelgen qylmys quramyna sáıkes (adamdar tobynyń aldyn ala sóz baılasý arqyly para alý) Biryńǵaı sotqa deıingi tergep-tekserý tiziliminde tirkeldi. Ustalǵan prokýratýra qyzmetkeri Shymkent qalasynyń ýaqytsha ustaý ızolátoryna qamaldy.