Memleket basshysy «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasy Konstıtýsıasynyń normalaryna sáıkes keltirý máseleleri boıynsha ózgerister men tolyqtyrýlar engizý týraly» Zańyna qol qoıyldy dep habarlaıdy Qamshy.kz  aqparat agenttigi Qostanaı oblysynyń prokýratýrasyna silteme jasaı otyryp. 

Zańnamalyq túzetýler 25 shildeden bastap zańdy kúshine enedi.

Azamattyq ister boıynsha shyǵarylǵan sot sheshimderine shaǵymdaný tártibine birqatar ózgerister engizildi.

Azamattyq prosestik kodekstiń jańa redaksıasyndaǵy 435-babyna sáıkes aldaǵy ýaqytta Bas Prokýror iske qatysýshylardyń ótinishteri negizinde kasasıalyq narazylyqty tek qana prokýrordyń qatysýymen qaralǵan azamattyq ister boıynsha sot aktilerine keltire alady.

Azamattyq prosestik kodekstiń 54-babynyń 2-bóliginiń talabyna sáıkes prokýror tek 3 jaǵdaıda azamattyq iske qatysýǵa mindetti. Olar, eger sotpen qaralatyn daý memlekettiń, qoǵamnyń jáne óz-ózin qorǵaı almaıtyn azamattyń múddesine qatysty bolsa. 

Iaǵnı, Bas prokýratýra basqa daýlar boıynsha zańdy kúshinen engen sot sheshimderine kasasıalyq narazylyqty keltirý týraly ótinishterdi negizinen qaramaıdy.

Azamattar men zańdy tulǵalar zańdy kúshine engen sot aktilerine daý aıtý ótinishti tek qana Joǵarǵy Sotqa bere alady.

Sondaı-aq erekshe jaǵdaıda sot aktilerdi Joǵarǵy Sot Tóraǵasy engizgen usyný negizinde de qaralýy múmkin.