Bul týraly QR Investısıalar jáne damý mınıstri Jeńis Qasymbek Úkimet otyrysynda málimdedi, dep habarlaıdy Qamshy.kz aqparat agenttigi. Onyń aıtýynsha, «Nurly jol» memlekettik baǵdarlamasynyń negizgi basym mindetteriniń biri respýblıkalyq mańyzdaǵy avtojoldarǵa aqyly júıe engizý bolyp tabylady. Barlyǵy 6,5 myń shaqyrym avtojoldy aqyly etý josparlanýda.

«Bıyl biz Astana-Temirtaý (132 km) jáne Almaty-Qapshaǵaı (42 km) avtojoldarynda aqy alý júıesin montajdaý jumystaryna kiristik. Al, ekinshi jartyjyldyqta Almaty-Qorǵas (295 km) avtojolyndaǵy aqyly júıeni montajdaý jumysy bastalady. Jyl sońyna qaraı atalmysh ýchaskelerde aqyly júıe tolyq engizilietin bolady»,-dedi mınıstr Jeńis Qasymbek.

  QR IDM basshysynyń málimeti boıynsha jyl sońyna deıin 5,5 myń shaqyrym jolǵa aqyly júıe engizý jobalaryn ázirleýdi aıaqtaý josparlanyp otyr (Qapshaǵaı-Taldyqorǵan, Astana – Qostanaı – RF shekarasy, Pavlodar – RF shekarasy, Aqtóbe – Oral –RF shekarasy, Atyraý – Dossor – Beıneý – Aqjigit – Ózbekstan shekarasy, RF shekarasy – Aqtóbe – Qyzylorda, Taraz – Qaınar, Shýchınsk – Kókshetaý – Petropavl –RF shekarasy, Oral – RF shekarasy, Astana – Pavlodar, Aqtaý – Beıneý, Qyzylorda-SHymkent-Taraz, Shymkent- Ózbekstan shekarasy). 

Aqyly júıeni engizý men júıeni paıdalaný úshin osy saladaǵy álemge tanymal kompanıalardy (Kapch, FETC, RT-Invest) jumyldyrý maqsatynda EQDB-niń qosymsha qarjylandyrýymen ınvestorlar tartý josparlanýda (iske asyrý kezeńi 2018-2019 jyldar).

Qazirgi ýaqytta «QazAvtoJol» UK» AQ EQDB-nen 150 mln. AQSH dollary somasynda zaım tartý boıynsha jumystar júrgizýde.