Aqmola oblysynda osyǵan deıin iz-túzsiz joǵalyp ketken 123 adamnyń 60-y tabyldy. Al olardyń beseýi kámeletke tolmaǵan jetkinshek dep habarlaıdy Qamshy.kz aqparat agenttigi 24.kz-ke silteme berip.

Bul – aımaq polıseıleriniń bıyl jyl basynan beri júrgizgen izdeý jumystarynyń nátıjesi. Sońǵy oqıǵa jaqynda ǵana tirkeldi. Astrahan aýdanynyń 67 jastaǵy turǵyny balyq aýlaýǵa ketkennen úıine oralmaǵan. Týystary óz kúshimen 2 kún boıy izdep, tappaǵan soń ishki ister organdaryna habar beripti. Arada taǵy 3 kún ótken soń zeınetker aıdaladan din aman tabylǵan. Quzyrly organ mamandarynyń aıtýynsha, óńirde adamdardyń joǵalyp ketý deregi azaımaı tur. Bireý mal jaıyp júrip adasyp ketse, endi biri kún raıynyń qubylýyna baılanysty jolynan jańylyp ketetin kórinedi. Al keıbiri úıden shyqqan boıda belgisiz sebeptermen izim-ǵaıym joq bolady.