Mýzeı qorynan jasaqtalǵan kórme arqyly Astana qalasynyń qonaqtary men turǵyndary, júzdegen alys jáne jaqyn shetelden kelgen týrıser, elimizdiń oblysynan kelgen qonaqtar Jambyl oblysynyń jáne Taraz qalasynyń materıaldyq jáne rýhanı mádenıetiniń biregeı, qundy, qaıtalanbas jádigerlerimen tanysa alady dep habarlaıdy Qamshy.kz aqparat agenttigi.

Kórmede oblystyń jáne 2000 jyldan asa baı, mazmundy tarıhy bar qalanyń saq kezeńinen Qazaq handyǵynyń qalyptasý kezeńine deıingi tarıhy qamtylady. Bul Taraz qalasynda ár jyldary qazba jumystary nátıjesinde tabylǵan Jetitóbe obasynyń altyn buıymdary, saq kezeńiniń tarıhyn, mádenıetin aıǵaqtaıtyn qola qazandyqtar, naızanyń jáne  jebeniń ushtary, janýarlardyń qola músinderi; Túrki, qarahanıd, mońǵol, samanıd teńgeleriniń aınalymda bolǵan eń qundy toptamalary, ortaǵasyrlyq  sáýlet óneriniń jaýHary bolyp tabylatyn  Aısha bıbi kesenesiniń kirpishteri. Ortaǵasyrlyq turmysta túrli maqsatta qoldanylǵan kúıdirilgen, kúıdirilmegen, jalatpaly qysh ydystar: úlkendi-kishili shyraǵdandar, hosh ıisti átirlerdi, dárilik zattardy, synaptardy  saqtaıtyn jumyrtastar, maıshamdar, túrli oıý-órnek túsirilgen tárelkeler, jınaq sandyqshasy, syıymdylyǵy ár túrli astyq, suıyqtyq saqtaıtyn hýmdar, saptyaıaqtar.

Qazaq handyǵynyń qalyptasý kezeńindegi qazaq batyrlarynyń qarý-jaraqtary: saýyt, dýlyǵa, shoqpar  t.b. usynylady. Qazaq handyǵy Jambyl oblysy Shý men Talas ózenderiniń aýmaǵy Qozybasy jerinde qurylǵan. 2015 jyldyń qazan aıynda Qazaq handyǵynyń 550 jyldyǵy halyqaralyq deńgeıde atap ótildi. Jergilikti sheberlerdiń qolynan shyqqan sándi  – qoldanbaly  óner buıymdary: aǵashtan jasalǵan buıymdar.  Sonymen qatar ekspozısıada Taraz sýretshileriniń kartınalary, ınstallásıalar úlken qyzyǵýshylyq týdyrady. Kórmege 300-deı  jádigerler qoıylǵan.