Pavlodar oblysy Aqsý aýyldyq aımaǵyna qarasty Aqjol aýylynda úı órtenip, saldarynan 97 jastaǵy er adam qaıtys boldy, dep habarlaıdy Qamshy.kz aqparat agenttigi Pavlodar oblystyq TJD memlekettik til jáne aqparat tobynyń málimetine súıenip.
- Keshe saǵat 10:15 mınýt shamasynda Aqsý aýyldyq aımaǵyna qarasty Aqjol aýylynda Telman kóshesi 1 meken-jaıyndaǵy eki bólmeli úı órtengen. Negizinen tósek oryn, eden, úı zattary janǵan. Órttiń aýmaǵy eki sharshy metrdi qurady.
Ókinishke oraı qutqarýshylar kelip jetkende gazben ýlanyp qalǵan 1920 jylǵy er adamnyń denesi tabyldy. Al, 1970 jylǵy úı ıesi, áıel adam aman esen qutqaryldy. Oqys jaǵdaıdyń sebebi men shyǵyny anyqtalýda, - dedi TJD mamandary.
