Shildeden bastap zeınetaqynyń kólemi ulǵaıdy. Atalǵan áleýmettik kómektiń alǵashqy tólemi barlyq zeınetkerlerge aýdaryldy, dep habarlaıdy Qamshy.kz aqparat agenttigi QazAqparatqa silteme jasap.
«Búgin biz zeınetaqynyń joǵary mólsherin barlyq 2 mln. zeınetkerimizge tóleýdi aıaqtadyq. Osy maqsatta tek bir aıǵa búdjetten qosymsha 50 mlrd.. teńge bólindi. Budan bólek, 1 shildeden bastap náresteli bolǵan otbasylar bir rettik járdemaqyny 20 paıyzǵa artyq ala bastady», - dedi QR Eńbek jáne halyqty áleýmettik qorǵaý mınıstri Tamara Dúısenova búgin Úkimette ótken baspasóz máslıhatynda.
Aıta keteıik, Qazaqstan Táýelsizdiginiń 25 jyldyǵyna arnalǵan saltanatty jıynda Memleket basshysy Nursultan Nazarbaev 2017 jyly zeınetaqy kólemin 2016 jylǵy deńgeıden 20 paıyzǵa arttyrýdy, sondaı-aq 1 shildeden bastap bala týýyna baılanysty bir rettik memlekettik járdemaqy mólsherin 20 paıyzǵa ulǵaıtýdy tapsyrǵan bolatyn.
