Ortalyq Komýnıkasıalar Qyzmetinde sońǵy 25 jyldaǵy Ýkraına men Qazaqstan arasyndaǵy dıplomatıalyq qatynastardyń damý tarıhyna arnalǵan baspasóz konferensıa ótti dep habarlaıdy Qamshy.kz aqparat agenttigi.
İs-sharaǵa QR –ǵy Ýkraına isteri boıynsha ýaqytsha senimdi ókili V.Djıdjora, Ýkraına SÓP vıse-prezıdenti S.Svıstel, QR-ǵy Ýkraına Elshiliginiń baspasóz hatshysy I.Blashýk qatysty.
«Jalpy kóp ǵasyrlyq tarıhy, dostyǵy, ózara túsinistigi negizindegi ótken shırek ǵasyrdaǵy oryn alǵan Qazaqstan men Ýkraına arasyndaǵy qatynastar josyǵy (logıkasy) - ortaq múddelerden shyǵa otyryp, ekijaqty ózara is-qımyldy dáıekti túrde damytýǵa Ýkraına men Qazaqstannyń eki jaqty talpynysy dálel bolady», - dedi QR-ǵy Ýkraına Elshiliginiń basshysy V.Djıdjora.
Baspasóz konferensıa barysynda EKSPO-2017 Halyqaralyq mamandandyrylǵan kórmesindegi Ýkraına ulttyq seksıasy komısarynyń orynbasary S.Svıstıl EKSPO-2017 halyqaralyq kórmesiniń mańyzyn atap ótti. «EKSPO-2017 – bul ýkraındyq energıalyq tıimdilik kompanıalarynda búkil álemge ýkraınada jańartylǵan energetıkanyń aıtarlyqtaı perspektıvalyq damýy týraly málimdeýge múmkindik beretin biregeı is-shara. Ózara tıimdi «jasyl» baılanys jasaý», - dedi S.Svıstıl.
Elshiliktiń baspasóz hatshysy I.Blashýk Qazaqstandaǵy Ýkraınanyń alǵashqy Elshisi Taras Shevchenko dedi. «Uly ýkraındyq jazýshy, sýretshi jáne oıshyl Qazaqstanda 10 jyl ómir súrdi – 1848 jyldan bastap 1857 jylǵa deıingi aralyqta patshanyń jarlyǵy boıynsha aıdaýda boldy. Aıdalý kezeńinde óz shyǵarmalarynyń edáýir bóligin ásirese kórkem sýret ónerin T.Shevchenko Qazaqstanǵa arnady. Ol zań boıynsha qazaq sýret óneriniń negizin qalaýshy bolyp esepteledi. Osy jyldary salynǵan 450 kartınalary men sýretteri ishinen 350 qazaq halqyna, onyń turmysyna jáne Qazaqstannyń tabıǵatyna arnalǵan», - dedi I.Blashýk.
Esterińizge salamyz, osy jyly Ýkraına men Qazaqstan arasyndaǵy dıplomatıalyq qatynastar ornatylǵanyna 25 jyl tolady.
23.07.1992 j. Qazaqstannyń SİM 04.01.1992 j. Ýkraınanyń SİM notasyna jaýap retinde Ýkraına men Qazaqstan Respýblıkasy arasynda tolyq kólemde dıplomatıalyq qatynastar ornatý týraly notalar almasý formasyndaǵy Kelisim jasaýdy aıaqtady.
2009 jyly ótken Qazaqstan Respýblıkasyndaǵy Ekinshi Ulttyq sanaqtyń qorytyndysy boıynsha etnıkalyq ýkraındyqtar Respýblıka halqynyń jalpy sanynyń 2,1 paıyzyn qurady, ıaǵnı 333,2 myń adam.
