AQSH-tyń Tynyq muhıty flotynyń komandıri Skott Svıft AQSH prezıdenti Donald Tramp buıryq berse Qytaıǵa ıadroly soqqy jasaıtynyn málimdedi dep habarlaıdy Qamshy.kz aqparat agenttigi Assoshıeıted Pres agenttigine silteme jasap.

Svıft AQSH pen Avstralıanyń birlesken áskerı oqýlarynan keıin konferensıada sóz sóıledi. Ǵalymdardyń biri odan «Donald Tramp endigi aptada Qytaıǵa ıadroly soqqy jasaýǵa buıryq berse oryndaısyń ba?» degen suraǵyna oılanbastan «ıá» dep jaýap berdi.

Admıral ár amerıkandyq sarbaz bas qolbasshyǵa sert bergenin de atap ótti. Vashıngton men Pekın qarym-qatynasy qıyn sátterdi bastan ótkerýde. Ótken aptada Qytaı tarapy birneshe aıdyń ishinde úshinshi márte amerıkandyq VMS ushaǵyn Ońtústik Qytaı teńizinen ushyp bara jatqan jerinen ustaǵan. Shilde aıynyń basynda Pekın Vashıngtondy amerıkandyq esmınestiń Qytaı ózderiniki dep esepteıtin Sısha aralyndaǵy akvatorıaǵa kirý arqyly halyqaralyq quqyqty buzdy dep aıyptady.

Eldiń SİM Vashıngtondy eki jaqty qarym-qatynasqa teris áserin beretin arandatýshylyq áreketti toqtatýǵa shaqyrdy.

Sonymen qatar, Tramp ákimshiligi Qytaımen bıznes bastamalardy kóterip júrgen kishigirim Qytaı bankterine jáne t.b uıymdaryna qarsy sanksıa uıymdastyryp jatyr.

Shekteý sharalary endigi aptada qabyldanýy múmkin jáne ol Phenánnyń ıadroly jáne zymyran baǵdarlamasymen baılanysy bar  qarjy ınstıtýttaryn da zardabyn tıgizýi múmkin.