AQSH memlekettik departamenti 27 shilde kúni Irannyń zymyrandy ushyrýyna BUU revolúsıasyn buzatyn «arandatýshylyq» áreketke balady, dep jazady Qamshy.kz aqparat agenttigi.

Irannyń aqparat quraldary ǵaryshtyq zymyrandardyń synaqtan sátti ótkenin habarlaǵan. Jergilikti telearnanyń habarlaýynsha, synaqtan ótken Simorgh zymyrany 250 keli spýtnıkti 500 shaqyrymdyq orbıtaǵa jetkize alady.   

Alaıda AQSH memlekettik departament ókili Hızer Noıert ırandyq zymyrandardyń synalǵanyn «birlesken keshendi josparlardyń buzylǵany» dep málimdedi.

Aıta keteıik, 22 shildede Iran «Saııad-3» zymyrandaryn shyǵaratyn jańa ortalyqtyń ashylǵanyn habarlaǵan. Atalmysh zymyrandar ushaqtardy, áýe kemelerin, tikushaqtardy qulata alady.