Meırambek Besbaev Baıan Maqsatqyzynyń kitabyn oqyp ýaqytyn bosqa shyǵyndaǵysy kelmeıtinin aıtty.

Bul týraly Meırambek Bespaev  Zhuldyz.tv arnasyna bergen suhbatynda aıtty, dep habarlaıdy Qamshy.kz aqparat agenttigi.  

Otandyq baǵdarlamalardyń birinde Meırambek Besbaev ózi jaıly, óneri jaıly biraz syr shertti. Aıtylǵan áńgimeden  qazaq qyzdarynyń keleshegi de tys qalmady. Búginde kópshiliktiń nazaryna iligip júrgen  Baıan Maqsatqyzynyń ózi týraly jazǵan kitabyna qatysty pikirin de aıtyp ótti. Ánshiniń aıtýynsha, Baıan Maqsatqyzy men Dınara Sátjan syndy tanymaldar qazaq qyzdaryna óte úlken yqpal jasap otyr. Ánshi qazaq qyzdary úshin ýaıymdaıtynyn aıtyp, Baıan Maqsatqyzy men Dınara Sátjan syndy tanymal tulǵalardyń áreketterin quptamaıtynyn jetkizdi. 

“Men ómirde áıel adamdardyń kitabyn oqı almaıtyn shyǵarmyn. Sebebi, bireýdiń ómirine aralasqym kelmeıdi. “Shyn máninde mynadaı bolǵan eken ǵoı” dep ósek sóz tasyǵym kelmeıdi. Tek qyz balalardyń ishinde aqyndardyń kitabyn oqıtyn edim. Mysaly, poezıadan Farızany oqıtyn edim. Al birge ómir súrip kele jatqan zamandastyrymyzdyń ishki dúnıesin bilgim kelmeıdi. Qazir bir-eki qyzǵa qarakózderimiz urynyp, solar sekildi bolǵylary kelip júr.

Mysaly, Dınara Sátjan, Baıan Esentaeva sıaqtylar qyzdarymyzdy tárbıelep jatyr. Bul nárseniń sońy jaqsylyqqa ákelip soqtyra ma, jamandyqqa ákelip soqtyra ma bilmeımin. Biraq, qarakózderimizdiń solarǵa eliktep jatqandary ras. Jalańash denesin kórsetýdi uıat emes degen keltirý durys emes. Keı jerde ádepti attap ótip jatyr. Muny sánge aınaldyrǵandary meni keıde qynjyltady. Men ondaı adamdardyń kitabyn oqymaımyn, ýaqytymdy bos ketirgim kelmeıdi», deıdi Meırambek Besbaev.