Qazaqstan syrtqy ister mınıstrligi jergilikti BAQ Qytaımen shekarada ustaldy dep habarlaǵan qazaqstandyq stýdent Aqqý Erenbekke qatysty onyń týystary men tanystarynan aqparat túsken jaǵdaıda ony "egjeı-tegjeıli tekserýge daıyn ekenin málimdedi, dep jazady Qamshy.kz aqparat agenttigi.

Qazaqstan syrtqy ister mınıstrliginiń baspasóz hatshysy Ánýar Jaınaqovtyń sózinshe, mınıstrlik ustalǵan stýdent týraly aqparatty tekserýge kirisken, biraq onyń tólqujat derekteri qajet. "Keıbir aqparattarda keltirilgen týystary, tanystary men jaqyndarynyń eshqaısysy Qazaqstan syrtqy ister mınıstrligine kómek surap júgingen joq. Eger ondaı aqparat tússe nemese bizge qyzdyń Qazaqstan azamaty ekenin rastaıtyn tólqujat málimetterin berse onda barynsha tekserip, tıisti aqparatty suratamyz" degen Jaınaqov QazAqparatqa.

Jergilikti BAQ-tyń habarlaýynsha, Sársen Amanjolov atyndaǵy Shyǵys Qazaqstan memlekettik ýnıversıtetiniń 19 jastaǵy stýdenti Aqqý Erenbek uıaly telefonynan Quran jáne "Qylmys" romany tabylǵany úshin tutqyndalǵan. S.Amanjolov atyndaǵy Shyǵys Qazaqstan memlekettik ýnıversıtetiniń túlegi Aqqý Erenbek jazdyq demalysta Qytaıdaǵy úıine qaıtar jolda Maıqapshaǵaı-Jemeneı shekarasynda Qytaı Qaýipsizdik qyzmetkerleri jaǵynan tutqyndalǵan.

"Qylmys" romany Dúnıejúzi qazaqtarynyń qaýymdastyǵy jaǵynan baspadan shyqqan. Avtory Qytaıda 40 jyl túrmede otyrǵan qazaq Qajyǵumar Shabdanuly.