Áıgili jazýshy, Nobel syılyǵynyń ıegeri «Júz jyldyq jalǵyzdyq» romanynyń avtory Gabrıel Garsıa Markestiń jeke muraǵaty satyldy. Satyp alýshy AQSH-tyń Tehas ýnıversıteti. Bul týraly «Rýskaıa slýjba VVS» habarlaıdy.

Kolýmbıanyń mádenıet mınıstri Marıa Gasses bul kelisim sharttyń bir ulttyń, tutas memlekettiń rýhanıatyna «nemquraılylyqpen» qaraý dep, satylymǵa óz narazylyǵyn bildiripti. Osyǵan sáıkes kelisim shartqa otyrǵan týystary bıliktiń eshqashanda Markestiń qoljazbalaryna memlekettik qundylyq retinde qaramaǵanyn týraly aıtyp otyr.

Satylym muraǵatynda Markeske Nobel syılyǵyn alyp bergen «Júz jyldyq jalǵyzdyq» romanymen taǵy da basqa kitaptarynyń qoljazbasy bolǵan. 2000-daı hattardyń ishinde Grem Grınmen Karlos Fýentespen hat aralyq dıalogtary, Nobel syılyǵyn alǵandaǵy sóılegen sóziniń mátini men jazý mashınkasy, kompúteri, shımaılary, 40-qa jýyq foto álbomdary bolǵan. Bul muraǵat jazýshynyń 50-jyldyq shyǵarmashylyq ǵumyryn qamtıdy eken.

Esterińizge sala keteıik, Gabrıel Markes osy jyldyń, sáýir aıynda 86 jasqa qaraǵan shaǵynda dúnıeden ozǵan bolatyn.

Orynbasar Baqytbek