Qarasha aıynyń 25-26 kúnderi Máskeý qalasynda Qazaqstan men Reseı jazýshylarynyń basqosý saltanaty ótpek. Bul Sovet odaǵy ydyraǵannan bergi qos el qalamgerleriniń alǵashqy resmı basqosýy bolmaq. Eki kúnge josparlanǵan sharaǵa Qazaqstannyń atynan Rollan Seısenbaev, Oljas Súleımenov, Nurlan Orazalın, Anatolıı Kım, Baqytjan Qanapıanov jáne basqa da jazýshylar qatysady dep kútilýde.
Kezdesý maqsaty ádebıettegi jańashyl baǵyttardy jetildirý men qazirgi zamanǵy ádebıetpen ushtastyra bilý, qos eldiń shyǵarmashylyq baılanysyn qalpyna keltirý bolyp tabylady.
Shara «dóńgelek ústel» túrinde ótpek. Onda talqylanar taqyryptar: «HHİ ǵasyrdaǵy Eýrazıa aýmaǵyndaǵy kórkem-ádebı proses» jáne «Eýrazıalyq ádebı aýqym. Basty qadamdar» bolmaq.
Orynbasar Baqytbek
