«Qazkommersbank» dırektorlar keńesiniń jańa tóraǵasy bolyp Arman Dýnaev saılandy, dep habarlaıdy Qamshy.kz aqparat agenttigi.

QKB-nyń dırektorlar keńesiniń jańa quramy bank aksıonerleriniń 31 shildedegi kezekten tys jalpy jınalysynyń sheshimimen saılanǵan bolatyn. Arman Dýnaevpen birge banktiń basqarý organyna Sáýle Kishkimbaeva, bas aksıonerdiń ókili – Álıa Qarpykova, táýelsiz dırektorlar – Azamat Joldasbekov pen Asqar Elemesov, sondaı-aq QKB-nyń basqarma tóraǵasy laýazymyndaǵy Ýlf Vokýrka kirdi.

«Men úshin bul úlken qurmet ári jańadan damý kezeńinde eldiń júıe qurýshy banktiń birinde Dırektorlar keńesin basqarý úlken kásibılikti qajet etedi. Memlekettiń qoldaýy men banktiń negizgi aksıonerin almastyrý sharalary bankte jınaqtalǵan kóptegen máselelerdi sheshýge múmkindik beredi. Qazirgi ýaqytta bizdiń aldymyzda mańyzdy maqsat-mindet tur, ol - Qazkommersbanktiń korporatıvtik basqarý júıesin halyqaralyq úzdik tájirıbeler men Halyk Group qaǵıdattaryna sáıkes keltirý jáne qarjy ınstıtýty damýynyń jańa strategıasyn jasaý», – dedi óz sózinde Dýnaev.

Arman Ǵalıasqaruly Dýnaev – tájirıbeli ári kásibı qarjyger, ekonomıka ǵylymdarynyń kandıdaty. Memlekettik jáne jeke sektor, sondaı-aq qarjy naryǵyndaǵy jumys tájirıbesi mol.

Táýelsiz dırektor retinde Halyk Group tobynyń birqatar kompanıalarynyń dırektorlar keńesiniń quramyna kiredi: «Qazaqstannyń Halyq Banki» AQ, «Halyk Finance» AQ jáne «Halyk-Life» AQ. «Altyn Bank» AQ («Qazaqstannyń Halyq Banki» AQ EB) dırektorlar keńesin basqarady.