Dırektorlar keńesiniń jańa quramy 31 shildede ótken birinshi otyrystyń barysynda biraýyzdan táýelsiz dırektor Arman Dýnaevty QKB-nyń Dırektorlar keńesiniń tóraǵasy laýazymyna saılady dep habarlaıdy Qamshy.kz aqparat agenttigi bank baspasóz qyzmetine silteme jasaı otyryp.

QKB-nyń Dırektorlar keńesiniń jańa quramy bank aksıonerleriniń 31 shildedegi kezekten tys jalpy jınalysynyń sheshimimen saılanǵan bolatyn. Arman Dýnaevpen birge banktiń basqarý organyna Sáýle Kishkimbaeva, bas aksıonerdiń ókili – Álıa Qarpykova, táýelsiz dırektorlar – Azamat Joldasbekov pen Asqar Elemesov, sondaı-aq QKB-nyń basqarma tóraǵasy laýazymyndaǵy Ýlf Vokýrka kirdi.

«Men úshin bul úlken qurmet ári jańadan damý kezeńinde eldiń júıequrýshy banktiń birinde Dırektorlar keńesin basqarý úlken kásibılikti qajet etedi. Memlekettiń qoldaýy men banktiń negizgi aksıonerin almastyrý sharalary bankte jınaqtalǵan kóptegen máselelerdi sheshýge múmkindik beredi. Qazirgi ýaqytta bizdiń aldymyzda mańyzdy maqsat-mindet tur ol - Qazkommersbanktiń korporatıvtik basqarý júıesin halyqaralyq úzdik tájirıbeler men Halyk Group qaǵıdattaryna sáıkes keltirý jáne qarjy ınstıtýty damýynyń jańa strategıasyn jasaý», – dedi ózi sózinde  Arman Dýnaev myrza.