Iakýtıanyń «Halyqtar dostastyǵy» medalimen «Juldyz» balalar qoǵamdyq uıymdarynyń odaǵy» qoǵamdyq birlestiginiń prezıdenti Elena Dmıtrıenko marapattaldy dep habarlaıdy Qamshy.kz aqparat agenttigi.

Estelik medal men Saha Respýblıkasynyń (Iakýtıa) azamattyq qoǵam ınstıtýttaryn damytý jónindegi mınıstrliginiń «Halyqtar dostastyǵy» medali qazaqstandyq ÚEU ókiline ultaralyq beıbitshilik pen kelisimdi nyǵaıtýǵa qosqan úlesi úshin tabystaldy.

Elena Dmıtrıenko Saha Respýblıkasynda 2017 jylǵy 5-8 shilde aralyǵynda ótken Iakýtıa balalar qozǵalysynyń 25 jyldyǵyna arnalǵan «Umtylys» («Stremlenıe», «Dýlýýr») Biryńǵaı balalar qozǵalysynyń  İİİ sletiniń qurmetti qonaǵy jáne sarapshy retinde qatysty.

Slet sheńberinde birqatar is-sharalar uıymdastyrylyp, onyń barysynda «Juldyz» balalar qoǵamdyq uıymdarynyń odaǵy» qoǵamdyq birlestigi N.E. Mordınova atyndaǵy «Keskıl» respýblıkalyq balalar baspasymen birlesken balalar aqparattyq-medıalyq jáne baspa jobalaryn birlesip iske asyrý boıynsha seriktestik týraly kelisimge qol qoıdy. Sonymen qosa, balalar qozǵalysyn uıymdastyrýshylar úshin semınar-praktıkým ótkizilip, onda Elena Dmıtrıenko túrli dıskýssıalyq alańdarda sarapshy retinde sóz sóıledi.

Elena Dmıtrıenkonyń aıtýy boıynsha, «Umtylys» biryńǵaı balalar qozǵalysynyń İİİ sleti balalardyń túrli áleýmettik bastamalarymen aınalysatyn uıymdardyń halyqaralyq seriktestigine qaraı jasalǵan úlken qadam boldy.

«Balalardyń áleýmettik bastamalaryn memlekettik qoldaý jáne Iakýtıadaǵy balalardyń qoǵamdyq qozǵalysy Saha Respýblıkasy basshylyǵynyń óskeleń urpaqtyń aman-saý taǵdyry, olardyń búgini men bolashaǵyna degen qamqorlyǵynyń belgisi boldy», - dep atap ótti E.Dmıtrıenko.

Azamattyq belsendilerdiń aıtýlary boıynsha, joǵary marapattaý – jas qazaqstandyqtardyń beıbitshilik qozǵalysynyń ózektiligin, joǵary adamgershiligin, mádenı ál-aýqatyn jáne basymdyqtaryn moıyndaǵandyǵynyń aıqyn belgisi.

E. Dmıtrıenko «Jaqyn arada ÚEU úshin vedimistik marapattaýlar Qazaqstan Respýblıkasy Din isteri jáne azamattyq qoǵam mınıstrliginde de beriletinine sengimiz keledi», - dep atap ótti.

«Juldyz» balalar qoǵamdyq uıymdarynyń odaǵy» QB Qazaqstanda 2004 jyldan bastap qyzmetin isteıtindigin atap kórsetken jón, onyń qyzmetiniń negizgi baǵyttary balalardyń qoǵam men memlekettiń ómirine, halyqaralyq seriktestikti damytýǵa jáne t.b. qatysýy úshin jaǵdaı jasaý bolyp tabylady.

Qoǵamdyq birlestik «Lıder» balalar gazeti, «Lıder plús…» jastar gazeti, «Pedagogıcheskıı vestnık», «Pedagogıcheskıı búleten», «JasStar» jáne «Rebenok ı pravo» jýrnaldary sıaqty baspa ónimderin shyǵarady.