Denaýlyq saqtaý mınıstri Eljan Birtanov Qazaqstanda dárigerlerdiń eńbekaqysy pasıentterdiń oń baǵasy men aqparattyq júıedegi reıtıńine baılanysty bolatynyn málimdedi, - dep habarlaıdy Qamshy.kz  aqparat agenttigi silteme jasaı otyryp tengrinews.kz.

«Dárigerler jumysynyń sapasyna baılanysty eńbekaqy alǵany mańyzdy. Al bul sapany pasıentter anyqtaıtyny belgili. Sol úshin adam konsýltasıa alý úshin aqparattyq júıe arqyly dárigerler týraly pikir oqyp, kimge baratynyn ózi tańdaı alatyndaı júıe qurǵymyz keledi.

Bul baǵalaýdyń aqparattyq júıesi arqyly iske asyrylady. Ár pasıent bylaısha aıtqanda «laık» qoıatyn bolady. Bul «juldyzshalar» júıede kórinip otyrady, al qor osy jaýaptardyń qorytyndysy boıynsha qansha tóleıtinin sheshedi. Bul keri baılanystyń bir túri»,- deıdi Eljan Birtanov. 

Mınıstrdiń aıtýynsha, pasıent biliktiligi joǵary mamanǵa kezekke tura ma, álde reıtıńi tómendeý, biraq bos ýaqyty bar dárigerge bara ma ózi tańdaıtyn bolady.