Sırıanyń soltústiginde soǵysqa qatysqan birneshe azamat tutqyndaldy. Olar kóptegen memleketterde tyıym salynǵan terrorısterden turatyn DAISH uıymyna jaqtasyp soǵysqan degen boljamdar jasaldy, dep jazady Qamshy.kz aqparat agenttigi.

Azamattardyń naqty sany jarıalanǵan joq. Shvesıanyń radıobaǵdarlamasy tutqyndardyń arasynda shvedterdiń de bar ekenin málimededi.

«Soltústik Eýropadan shyqqan DAISH áskerleri ustalyp, Sırıanyń soltústiginde Rojava aýdanynda qamaýda otyr. Rojava Sırıanyń soltústiginde qurylǵan ákimshilik birlik, sondaı-aq áskerı qorǵanys qurylymy. Jergilikti málimetterge súıensek, ustalǵandardyń arasynda shvedterdiń de bary anyqtalǵan», - dep habarlaıdy shvesıalyq radıobaǵdarlama.

Shvesıa polıseıleriniń aıtýynsha, 2012 jyldan 2016 jylǵa deıin elden DAISH syndy terorıstik uıymdarmen toptasý úshin 300 adam shyqqan. 

Shvesıalyq sarapshylardyń deregine súıensek, 2016 jyldyń kúzinde 106 adam elge qaıtqan. Qalǵan 112-si Sırıa men Irakty turaqtap qaldy. 49 adam kóz jumdy.