AQSH prezıdenti Donald Tramp Reseıge qarsy sanksıalar engizý týraly zańǵa qol qoıdy. Bul sanksıalardy engizýdi boldyrtpaý úshin Máskeý óziniń mindetterin oryndaýy tıis dedi óz málimdemesinde AQSH-tyń  vıse-prezıdenti Maıkl Pens. Bul týraly Qamshy.kz aqparat agenttigi NTV-ǵa silteme jasap habarlaıdy.

Maıkl Pens: «Biz sanksıanyń iske aspaýyn tileımiz. Biraq ol úshin Reseı óz moınyna alǵan mindetterin oryndaýy kerek. Alaıda Reseıdiń sońǵy dıplomatıalyq qadamdary olardyń ózderine tıesili mindetterin oryndamaı jatqandyǵyn baıqatady».

Zań boıynsha, amerıkandyq kompanıalar men jeke tulǵalarǵa Reseıdiń sanksıalanǵan bankterimen kelisimge kelý júzege aspaıtyn bolady. Sonymen birge reseılik energetıkalyq sektorǵa da shekteý qoıyldy. AQSH kongresmenderi sanksıalanǵan reseılik energetıkalyq kompanıalarmen kelisimderdi qysqartpaq (90 kúnnen 60 kúnge).