Memlekettik dýma depýtaty Mıhaıl Emelánov AQSH-tyń Venesýela saıasatyna aralasý nıetin aıyptady, dep jazady Qamshy.kz aqparat agenttigi.

Jeksenbi kúni Venesýelada Ulttyq quryltaı otyrysynda daýys berý ótken bolatyn. Otyrys maqsaty – eldegi Konstıtýsıany ózgertý. Atalmysh uıym Venesýela prezıdenti Nıkolas Madýronyń bastaýymen qurylǵan. Alaıda opozısıa daýys berýdi moıyndamaı, quryltaı otyrysynyń referendýmnan keıin bolýy kerek ekenin eskertti. Daýys berýge narazylyq bildirýshilerdiń qarasy kóp boldy, tipti proses barysynda birneshe adamdar zardap shekken. Senbi jáne jeksenbi kúnderiniń ózinde 16 adamǵa jýyǵy qaza tapqan, dep málimdegen edi depýtat Enrı Ramos.

Venesýeladaǵy quryltaı otyrysynan keıin AQSH prezıdenti Nıkolas Madýroǵa qarsy sanksıalar engizgen. Venesýela bıliginiń «demokratıaǵa nuqsan keltirgeni» úshin Madýronyń AQSH-taǵy quzyrettiligi buǵattalyp, AQSH azamattaryna Venesýela bıligimen birigip jumys isteýge tyıym salynǵan. Sondaı-aq AQSH prezıdenti Madýrony «óz elindegi bılikti jaýlap alǵan dıktator» dep atap ketken.

«Meniń oıymsha, sanksıalar Venesýeladaǵy jaǵdaıǵa áserin tıgize qoımaıdy. Alaıda, AQSH-tyń eldiń ishki saıasatyna aralasýy keri áserin tıgizýi múmkin», - dedi Emılánov tilshilerge bergen suhbatynda.

Onyń sózderine qaraǵanda, Venesýelada opozısıalyq senarı boıynsha «kúlgin» revolúsıa uıymdastyrylyp jatyr.

Sonymen qosa, Emılánov eldegi chavısterdiń úlken qoldaýǵa ıe ekenin eskerdi. «Venesýelanyń eks-prezıdenti Ýgo Chaves qarapaıym halyq úshin kóp jaqsylyq jasady, halyq muny umytpaıdy. Olar óz bıligin qorǵaıdy degen senimdemin», - dedi depýtat.

Sondaı-aq, Venesýela áskeriniń de Chavesti qoldaıtynyn aıtyp, opozısıa júrgizbek bolǵan «revolúsıa» eldiń múddesinen alshaq ekenin málim etti.

«Meniń oıymsha, Reseı de Venesýela bıligin qoldaıdy», - dedi parlament ókili.

Aıta keteıik, AQSH Kongresi Reseıge qarsy sanksıalar engizgen. Reseı sanksıaǵa jaýap retinde AQSH-tyń Reseıdegi dıplomattarynyń sanyn qysqartqany habarlanǵan.

Al reseılik sarapshy Dmıtrıı Býryh AQSH-tyń Venesýelaǵa qarsy sanksıalar engizgenine qaramastan munaı salasy boıynsha seriktestiktiń úzilmeıtinin aıtty.

«AQSH-tyń munaı óndirý zaýyttarynyń 90%-y venesýelalyq sapaly shıkizattan turady. Sol sebepti AQSH Venesýelamen munaı seriktestigin úzbeıdi», - dep málimdedi Býryh.