QR densaýlyq saqtaý mınıstri Eljan Birtanov brıfıń barysynda qazaqstandyq medısınalyq  ýnıversıtetterge sheteldik mamandardy ákelý josparlanýda  dep jetkizdi dep habarlaıdy Qamshy.kz aqparat agenttigi  Primeminister.kz-ke silteme jasap. Stýdentterdiń bilim deńgeıin jetildirý maqsatynda sheteldik profesor, muǵalimder ýnıversıtet pen joǵarǵy oqý oryndarynda qyzmet isteıtin bolady.

«Búgingi kúni respýblıkalyq eki oqý ornynda 2 sheteldik muǵalim  top-menedjment deńgeıinde qyzmetke jumyldyryldy. Aldaǵy ýaqytta da medısınalyq oqý oryndarǵa sheteldik mamandardy jumyldyrý kózdelip otyr»-deıdi E.Birtanov.

Mınıstr óz sózinde sheteldik profesorlardyń tájirıbesi bizdiń medısınamyzdyń sapasyn arttyryp, stýdentter men oqytýshylardyń biliktiligin joǵarylatyp, zamanaýı qurylǵylarmen jumys isteýge múmkindik beretinin atap ótti.