Úkimet basshysy Dmıtrıı Medvedev AQSH-tyń jańa sanksıalary Kremldiń amerıkalyq ákimshilikpen qarym-qatynasynyń jaqsarýyna núkte qoıatynyn málimdedi, dep jazady Qamshy.kz aqparat agenttigi.
«Reseıge tolyqqandy saýda soǵysy jarıalandy», - dedi Medvedev. Onyń oıynsha, sanksıaly rejım ondaǵan jyldar boıyna kúshin joǵaltpaıdy, sondaı-aq AQSH prezıdenti zańǵa veto qoıa almaıtyndyqtan Máskeý men Vashıngtonnyń ara-qatynasy «shıelenise túsedi».
Úkimet basshysy Reseı bıliginiń «ekonomıkalyq jáne áleýmettik salany damytý úshin jumys isteýdi jalǵastyratynyn, berilmeıtinin» aıtty.
Budan buryn Reseı prezıdentiniń baspasóz hatshysy Dmıtrıı Peskov AQSH-tyń jańa sanksıalary «eshteńeni ózgertpeıtinin» málimdegen.
AQSH prezıdenti Donald Tramp Reseıge qarsy sanksıalar týraly zańǵa 2 tamyz kúni qol qoıdy. Atalmysh zańnamany AQSH senaty maquldady. Qujatqa sáıkes, munaı-gaz jobalaryna salatyn ınvestısıa mólsherine shekteý qoıylady, sondaı-aq, Vashıngtonnyń pikirinshe, reseılikterge qatysty engizilgen sanksıa kıbershabýyldar, jemqorlyq jáne adam quqyqtaryn buzý syndy áreketterge negizdelgen. Tramptyń da keıbir múmkindikterine shekteý qoıyldy. Prezıdent Kongrestiń ruqsatynsyz antıreseılik sanksıalarǵa veto qoıa almaıdy.
