Almaty qalasy Naýryzbaı aýdany Qarǵaly ózeniniń aýmaǵynda Qazaqstan Respýblıkasy Tótenshe jaǵdaılar Departamenti, Naýryzbaı aýdandyq ákimdigi, Naýryzbaı aýdandyq Tótenshe jaǵdaılar bólimi, Almaty qalasy İshki ister Departamentiniń jergilikti polısıa qyzmeti, Qazaqstan Respýblıkasy İİM Tótenshe jaǵdaılar komıtetiniń respýblıkalyq jedel-qutqarý otrády, «Qazselqorǵaý» jáne «Apattar medısınasy ortalaǵy» memlekettik mekemesiniń fılıaly, Almaty qalasy ákiminiń apparaty «Almaty qalasynyń qutqarý qyzmeti - 109» qyzmetkerleri, sonymen qatar Ulttyq ulannyń 28237 áskerı bóliminiń áskerı qyzmetshileri men sarbazdary qatysqan «Sel - 2017»  birlesken kólemdi komandalyq-shtabtyq jattyǵýlary ótkizildi dep habarlaıdy Qamshy.kz aqparat agenttigi.

Komandalyq-shtabtyq jattyǵýlardy Almaty qalasy Tótenshe jaǵdaılar Departamentiniń bastyǵy, órtke qarsy qyzmetiniń general-maıory Serik Áýbákirov ashyp, atalǵan oqý-jattyǵýlar kesheni aýmaqta tótenshe jaǵdaılar qaýpi týyndaǵan kezde sel júrý apatynyń aldyn alý maqsatynda qutqarý jumystaryn uıymdastyryp júrgizý úshin, sondaı-aq tótenshe jaǵdaı týyndaýy múmkin eldi-mekenderdiń ǵımarattary men halqyn apattan qorǵaý maqsatynda ótkizilip jatqandyǵyn atap ótti.

General-maıor Serik Áýbákirovtiń komandalyq-oqý jattyǵýdy bastaý týraly pármeni qabyldanysymen, ár sala qyzmetkerleri óz baǵyttary boıynsha qutqarý jumystaryn júrgizýdi bastady.

Oqý-jattyǵý jumystary kezinde Almaty qalasy Naýryzbaı aýdany Qarǵaly ózenindegi sý deńgeıiniń shamadan tys kóterilýine baılanysty sý jınaý toǵanynyń apatyna ákep soqtyrýy múmkin jaǵdaı boıynsha is-sharalar oryndaldy. Keshendi is-qımylǵa 24 birlik tehnıka men 159 adam tartyldy.

Almaty oblysy Uzynaǵash aýylynda ornalasqan Qazaqstan Respýblıkasynyń Ulttyq ulany azamattyq qorǵanys jónindegi 28237 áskerı bóliminiń áskerı qyzmetshileri bul oqý-jattyǵýlarǵa erekshe ázirlikpen keldi. Bólim komandıriniń buıryǵymen «Apat» dabylymen kóterilgen jeke quram dereý bes qarýyn saılap sapqa turǵyzylyp, bolýy múmkin tótenshe jaǵdaı ornyna ýaqtyly kelip jetti..

Tótenshe jaǵdaılar Departamenti basshysynyń buıryǵymen ulandyq jaýyngerlerdiń qutqarýshylar toby Naýryzbaı aýdany Qarǵaly ózeni boıyndaǵy sel júrip ótken eldi-mekenderdegi qırap qalǵan turǵyn úıler men ǵımarattar ornynda apattyń zardaptaryn joıý jáne turǵyndardy qutqarý men olarǵa kómek kórsetý boıynsha jumystardy bilekterin sybana júrip belsene atqardy. Olardyń is-áreketterin Tótenshe jaǵdaılar Departamentiniń basshylyǵy erekshe atap ótti.

Jalpy «Sel - 2017» birlesken komandalyq-shtabtyq oqý-jattyǵýlar qorytyndysy boıynsha ulandyq qutqarýshy jaýyngerler ózderine tapsyrylǵan mindetterdi minsiz atqaryp, tótenshe jaǵdaı saldarymen oıdaǵydaı kúrese bildi. Oqý-jattyǵý kezinde ózderine júktelgen mindetterdi tabandylyqpen oryndap, Áskerı anttaryna adal bolǵany úshin 28237 áskerı bóliminiń komandıri podpolkovnık Baıanǵalı Esjanov jeke quramǵa alǵys jarıalady.