Pekın Reseıge qarsy bir jaqty sanksıalarǵa qarsy shyǵyp otyr. Sonymen qatar AQSH-tyń Reseı, KHDR jáne Iran elderimen qarym-qatynasynda qatań shekteýler qoıýyna óz tarapynan qarsylyq bildirdi, dep habarlaıdy Qamshy.kz aqparat agenttigi Rıa novostı saıtyna silteme jasap.

«Biz túrli elderdiń arasyndaǵy daýlardy retteý isi ózine tán qurmet pen tıisti dıalog negizinde júzege asyrylýy tıisti dep esepteımiz», - delingen SİM habarlamasynda.

Osy aptada prezıdent Donald Tramp Reseı, Iran jáne KHDR-ǵa qarsy jańa sanksıalar engizilgen zańnamaǵa qol qoıǵan bolatyn. Bul sanksıalar 2014 jyldan beri eń aýqymdy bolyp tabylady. Ol reseılik ekonomıkaǵa qarsy sektoraldy sanksıalardy nyǵaıtyp, energetıkalyq jobalarda shekteý qoıady.

Prezıdenttiń vetosyn eńserý úshin kongres jetkilikti daýys jınaǵan jáne Memleket basshysy zań jobasyna qol qoıýǵa májbúr boldy. Tramp ózi qol qoıǵan qujatta konstıtýsıalyq emes erejeler bar ekendigin aıtyp, AQSH pen Reseı qarym-qatynasynyń nasharlap ketkendigine kongresty aıyptady.

Sonymen qatar, Tramptyń aıtýynsha, jańa sanksıalar Reseı, Qytaı jáne KHDR elderi arasyn jaqyndastyrýy ábden múmkin.