Shymkenttegi 300-den astam kóshege tarıhı ataýlar berilmek. Qaladaǵy Abaı, ál-Farabı, Eńbekshi jáne Qarataý aýdandaryndaǵy jańa kóshelerge ataý berý jónindegi usynysty Qazaqstan Respýblıkasy Úkimeti janyndaǵy onomastıka komısıasy qoldady, dep habarlaıdy Qamshy.kz aqparat agenttigi QazAqparatqa silteme jasap.

«Ákimshilik-aýmaqtyq birlikterge, eldi mekenderdiń quramdas bólikterine ataý berý, qaıta ataý, sondaı-aq, olardyń ataýlarynyń transkrıpsıasyn naqtylaý men ózgertý kezinde tıisti aýmaq halqynyń pikirin eskerý qaǵıdasynyń» talaptaryna sáıkes, búginde túsindirý jumystary júrgizilip, kóshe turǵyndarynyń kelisimi alynǵan. Aldaǵy ýaqytta atalǵan usynystar oblys ákimdigi janyndaǵy kásipkerlik máseleleri jónindegi saraptamalyq keńes pen oblystyq qoǵamdyq keńestiń qaraýyna engizilmek. Tıisti kelisimder alynǵannan keıin oblystyq máslıhattyń kezekti sesıasyna usynylady.

Aıta keteıik, búginde Shymkent qalasynda 2129 kóshe bar. Sonyń ishinde ıdeologıalyq turǵydan eskirgen 39 jáne nómirlengen 79 kósheniń ataýyn ulttyq tanymǵa jaqyn dástúrli ataýlarmen ózgertý baǵytynda jergilikti ákimdik júıeli jumystar atqaryp keledi.