QR Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyna sáıkes týrısik áleýetti damytý elimizde ekonomıkalyq ósimniń jańa modelin qalyptastyrý kezinde mańyzdy baǵyttardyń biri bolyp tabylady. Osyǵan oraı Úkimet atalǵan salada keshendi jumystar júrgizip jatyr.

Baqytjan Saǵyntaev shańǵy sporty bazasyn aralaý barysynda qurylys ǵımarattarymen tanysyp, nysandaǵy qazirgi jaǵdaı men jumystardy aıaqtaýdyń jospardaǵy merzimderi týraly baıandamany tyńdady. Nysannyń ǵımarattary men qurylys kesheni 140,5 ga aýmaqta ornalasqan. Búgingi tańda onyń ázirlik deńgeıi - 90%-dan joǵary. Jańa respýblıkalyq shańǵy sporty bazasynda shańǵy jarystary, bıatlon, shańǵy-roller sporty boıynsha jattyǵýlar men halyqaralyq jarystar ótkizý josparlanǵan dep habarlaıdy Qamshy.kz aqparat agenttigi.  

Osydan keıin QR Premer-mınıstri «Býrabaı» memlekettik ulttyq tabıǵı parkiniń shıpajaılyq-kýrorttyq nysandarymen jáne kórikti jerlerimen tanysty.

Budan ózge, Baqytjan Saǵyntaev 2017 jylǵy sáýir-shilde aralyǵynda júrgizilgen «Shýchınsk - Býrabaı» avtokólik jolynyń 16-18 shaqyrym ýchaskesindegi jóndeý jumystarynyń nátıjesimen tanysty. Oblys ákimi Málik Myrzalın júrgizilgen rekonstrýksıalaý jumystary týraly jáne jalpy óńir joldaryn jóndeý boıynsha aldaǵy josparlar týraly eseppen tanystyrdy.

Aıta ketken jón, SHBKA damytýdyń negizgi bazalyq qujaty - halyqaralyq sarapshylardyń qatysýymen ázirlengen Býrabaı kýrorttyq aımaǵyn damytýdyń 2020 jylǵa deıingi júıelik jospary. Jospar ınvestısıalaýǵa qolaıly 5 negizgi aımaqty damytýdy qarastyrady. Olardyń qatarynda Shabaqty kólindegi jappaı demalys aımaǵy, Shortandy kólindegi premıým sanattaǵy týrızm aımaǵy, Qatarkól kólindegi balalardy saýyqtyrý týrızmi men at sporty ortalyǵy, Sarybulaq a. eko aýyl, sondaı-aq Jókeı kólindegi kempıng.