Pavlodar qalasyna qarasty Lenın kentinde 17 jastaǵy jigit júk kóliginiń astynda qalyp mert boldy. Belgili bolǵandaı, júk kóligi Semeıde tirkelgen óndiristik kooperatıvke tıesili, dep habarlaıdy Qamshy.kz aqparat agenttigi pavlodarnews.kz málimetine súıenip. Bul týraly agenttik tilshisine Pavlodar oblystyq eńbek basqarmasynyń basshysy Asqar Qapanov habarlady.

 - Aldyn ala boljam boıynsha, oqys jaǵdaı túski úzilis kezinde bolǵan. Fırma jumysshylary júk kóliginiń astyn kóleńkelep jatqan. Keıin áriptesterdiń biri kólikti basqa jerge aparylatynyn jáne ol jerden ketýlerin suraǵan. Ne sebepti ekeni belgisiz jas jigitterdiń ornynan ketpeı, júk kóligi onyń ústinen júrip ótken, - dedi Asqar Qapanov.

Basqarma basshysynyń aıtýynsha, óndiristik kooperatıv ıeleri jas jigittiń fırmamen eshbir eńbek kelisimshartyn jasamaǵanyn alǵa tartýda.

 - Eger jigittiń fırmada jumys istegeni dáleldense, biz óndiris ornyndaǵy oqys jaǵdaı boıynsha tergeý amaldaryn bastaımyz. Eger dálel bolmasa, qaıtys bolǵan jigittiń otbasyna aryz jazyp, sotqa shaǵymdanýyna kómek beremiz, - dedi eńbek boıynsha bas memlekettik ınspektor.

 Pavlodar oblystyq İİD baspasóz qyzmeti habarlaǵandaı, atalmysh jaǵdaıǵa baılanysty eki qylmystyq is qozǵaldyq Bireýi, QR QK 153 babyna sáıkes jumys berýshige qatysty bolsa, ekinshisi QR QK 345 babyna saı júrgizýshige qatysty.