QR Mádenıet jáne sport mınıstrliginiń jaýapty hatshysy Qýatjan Ýálıev «Qazaqstan Respýblıkasynyń keıbir zańnamalyq aktilerine oıyn bıznesi máseleleri boıynsha ózgerister men tolyqtyrýlar engizý týraly» zań jobasy tujyrymdamasy aıasynda josparlanyp otyrǵan ózgerister týraly baıandady. Bul týraly Qamshy.kz aqparat agenttigi  QazAqparat málimetine súıenip habarlaıdy. 

Atap aıtqanda, jaýapty hatshy býkmekerlik keńselerde alkogóldik ishimdikterdi satýǵa tyıym salý qarastyrylyp otyrǵandyǵyn jetkizdi. «Bizdiń oıymyzsha, qyzmettiń atalǵan túrlerin alkogóldik ónimdi satý múmkindigimen qatar júrgizýge jol berilmeýi tıis. Bundaı jaǵdaı jastarǵa eleýli túrde keri áser etedi»,-dep túsindirdi Ýálıev Ádilet mınıstrliginde zań jobalaý qyzmeti máseleleri jónindegi vedomstvoaralyq komısıanyń kezekti otyrysynda.

Onyń sózine qaraǵanda, «Etıl spırti jáne alkogóldik ónimder óndirisi men aınalymyn memlekettik retteý týraly» Zańyna býkmeker keńseleri men totalızatorlarda alkogóldik ónimderdi satýǵa tyıym salýdy engizý usynylyp otyr. «Býkmeker keńseler men totalızatorlarda olardyń qyzmeti sportpen shuǵyldaný men salaýatty ómir saltyna qyzyǵýshylyqty janama túrde arttyrýdyń ádisi retinde túsinik beriledi. Sol arada keıbir býkmeker keńseleri men totalızatorlarda alkogóldik ishimdikter satylady nemese tegin taratylady. Bul óz kezeginde marketıńtik maqsattarda, sondaı-aq oıynshynyń jaǵdaıdy túsiný sezimin basý baǵytynda jasalady. Osy oraıda oıynshyny salatyn aqsha kólemin arttyrýǵa ıtermeleıdi»,-deıdi Qýatjan Ýálıev.