Qalalyq shańǵy rolleri tas jolynda (Ortalyq saıabaq) shańǵy rollerinen jarystar óz máresine jetti dep habarlaıdy Qamshy.kz aqparat agenttigi. Oǵan Qazaqstannyń qazirgi ýaqytta júzden júırik, myńnan tulpar sportshylary shańǵy jarysynan Qazaqstan Ulttyq qurama músheleri, jas jáne ardager shańǵyshylar qatysty.

Dástúrli túrde ótkiziletin shańǵy rollerinen Astana ashyq kýbogy shańǵy sportyn dáripteýdi, jastardyń shańǵy jarysymen aınalysýyn kózdep, azamattardy belsendi salaýatty ómir saltyn ustanýǵa shaqyrady.

5 tamyzda Ortalyq saıabaqta ár jastaǵy 200-den astam sportshy shańǵy rollerinen Astana ashyq kýbogyna qatysyp baqtaryn synady. Olardyń qatarynda egde jastaǵy sportshylarmen qatar jasóspirimder men qyzdar, Qazaqstan Ulttyq qurama músheleri boldy.   

Atalmysh jarysta ardager sportshylarymyz eptilik, ıkemdilik jaǵynan jastarmen bir deńgeıde baq synasyp, kórermenderdi tánti etti.

Ardager erler arasynda birinshi oryndy – astanalyq sportshy Andreı Golovko, ekinshi oryndy –Kókshetaý qalasynan kelgen Vladımır Belov ıelense, úshinshi oryndy bul sanatta eń egde sportshy tanylǵan Qostanaı oblysynyń 67 jastaǵy ardageri Nıkolaı Hrıpýnov qanjyǵasyna baılady.

Ardager áıel sportshylar arasynda Svetlana Batáıkına birinshi orynnan kórinse, ómiriniń jarty ǵasyr ýaqytyn shańǵy jarysyna arnaǵan 68 jastaǵy Natalá Igorevna Pýpysheva ekinshi oryndy ıelendi.

1997 jyly týǵan jáne odan joǵary jastaǵy erler sanatynda Ulttyq qurama komanda músheleri qatysqandyqtan jarys qyzý tartysqa toly boldy. Alǵashqy bolyp márege Qostanaı oblysynyń sportshysy Vıtalıı Pýhkalo jetse, ekinshi oryndy Oljas Klımın ıelenip, úshinshi oryndy Konstantın Borsov qanjyǵasyna baılady. Aıta ketsek, jarysqa Nıkolaı Chebotko, Rınat Mýhın jáne  Dáýlet Rahymbaev syndy sportshylar da atsalysty.

1997 jyly týǵan jáne odan joǵary jastaǵy áıelder arasynda birinshi oryndy kókshetaýlyq sportshy – Valerıa Túleneva, ekinshi oryndy – Irına Bykova, al úshinshi oryndy Elmıra Mutaǵarova ıelendi.

1998-1999 jyly týǵan bozbalalar arasynda almatylyq sportshy Aleksandr Vorobev úzdik tanylsa, ekinshi oryndy – Aleksandr Mýhın, al úshinshi oryndy – Ivan Lúft ıelendi. Osy sanattaǵy qyzdar arasynda alǵashqy bolyp máre syzyǵyn Gúlsına Qadyrova kesse, Ksenıa Shalygına – ekinshi oryndy,  Anjelıka Tarasova úshinshi oryndy ıelendi.

2000-2001 jyly týǵan jasóspirimder sanatynda kókshetaýlyq Nıkıta Grıdın – birinshi oryndy, Álken Burynǵazov – ekinshi oryndy, al Svátoslav Matasov úshinshi orynnan kórindi. Atalǵan sanatta qyzdar arasynda birinshi oryndy  – Anastasıa Hmelnıskaıa, ekinshi oryndy – Marıa Lúft, úshinshi oryndy Elızaveta Selezneva qanjyǵasyna baılady.

Sońǵy 2002-2003 jyly týǵan jasóspirimder sanatynda alǵashqy bolyp márege Vadım Kýrales jetse, ekinshi oryndy – Danıl Chervenko, úshinshi oryndy Ernur Beksultan ıelendi. Osy jastaǵy qyzdar arasynda Qostanaı oblysynyń jas sportshysy Valerıa Bachenko birinshi bolsa, ekinshi oryndy –Ksenıa Shevchýk, al Ksenıa Sorokına úshinshi orynnan kórine bildi.

Atalmysh kýbok jeńimpazdardy saltanatty túrde medaldar, dıplomdar jáne estelik syılyqtarmen marapattaý rásimimen aıaqtaldy.

Sondaı-aq, barlyq bapkerler, shańǵyshylar jáne Qazaqstan shańǵy jarysynyń ulttyq federasıasy basshylyǵy atalǵan Federasıanyń birinshi vıse-prezıdenti Nıkıta Sergeevıch Devátkındi týǵan kúnimen quttyqtady!

Atalmysh Kýbokty «Qazaqstan Shańǵy jarysynyń ulttyq federasıasy» QB  «Samruk Kazyna Trust» Qorynyń, Astana ákimdigi men «SKI CLUB ASTANA» shańǵy klýbynyń qoldaýymen uıymdastyrdy.