Ashhabad polısıasy kóshelerde qaıyr tilep júretin kishkentaı balalarǵa qatysty Túrkimenstan astanasyn tazartý isine belsene kirisip ketti. Sonymen qatar, Túrkimenstanda qazir ondaı balalardy óte kóp kezdestirýge bolady eken, dep habarlaıdy Qamshy.kz aqparat agenttigi centralasian.org saıtyna silteme jasap.

Ashhabad sholýshysy Amanmyrad Býgaevtyń aıtýynsha, qaıyr tilep júrgen balalar polısıa qyzmetkerlerine ustalǵan jaǵdaıda alǵashynda eskertýmen shekteledi, keıinnen olardyń týystaryna eskertý jasalady.

Ashhabad polısıa departamentindegi kámelet jasqa tolmaǵan balalarǵa qatysty ınspeksıa qyzmetkeriniń aıtýynsha, barysynda múgedek balalardy kóshede qaıyr tileýge májbúrleý – zańmen qýdalanyp, qylmystyq is bolyp tabylady.

Ashhabad turǵyndary qazirgi kezde kóshede qaıyr surap júrgen múgedek balalar men olardy polısıa qyzmetkerleriniń ustap jatqan kezderin kún saıyn ár kósheler men janarmaı beketterinde kórýge bolatyndyǵyn aıtady.

«Kóshede arba oryndyqta otyryp, qaıyr tilep otyrǵan balalar kez kelgen eldiń ımıjin qurtady. Bizdiń negizgi maqsatymyz – Túrkimenstan eliniń repýtasıasyn qurtatyn adamdarmen kúresý», – dep málimdedi polısıa qyzmetkeri.