Kóptegen ata-analar balalar úshin ashyq tereze ólim qaýip-qaterin tóndirýi múmkin ekendigin umytyp ketedi. Jyl saıyn bıikten qulaýdan kóp balalar óledi, dep habarlaıdy Qamshy.kz aqparat agenttigi Aqmola oblysynyń Tótenshe jaǵdaılar komıtetiniń saıtyna silteme jasap.

Ádette kóptegen jaǵdaılarda balalar ártúrli zattardy paıdalana otyryp, óz betinshe tereze aldy taqtaıyna shyǵady, moskıtti torǵa súıene otyryp, terezeden onymen birge qulap ketken. Sondaı-aq, kóbinese qulaýdyń sebebi eresekter balalardyń júris-turysyn qadaǵalamaýynan, týystary men jaqyndarynyń alańdamaýy, terezeni jabýdy umytyp ketý, jıhazdy durys ornalastyrmaý, bul balalardyń óz betinshe terezege shyǵýyna múmkindik beredi jáne ol jabyq tereze elesin týǵyzdyratyn moskıtti tordyń bolýyna baılanysty.

Aǵymdaǵy jyldyń 2-toqsanynda respýblıka boıynsha terezeden adam qulaǵan 31 oqıǵa (barlyǵy balalar) bolǵanyn atap ótken jón, sonyń saldarynan 7 bala qaıtys bolyp, 24 ártúrli jaraqatymen emdeý mekemelerine jatqyzylǵan.

Qaıǵyly jaǵdaılardy boldyrmaý úshin Aqmola oblysy Tótenshe jaǵdaılar departamenti qaýipsizdik sharalaryn múmkindiginshe saqtaý týraly qala turǵyndary men qonaqtaryn eskertedi.

1. Kishkentaı balalardy jalǵyz qaldyrmańyzdar;

2. Bala shyǵa almaıtyndaı qylyp, terezeden barlyq jıhaz túrlerin jyljytyńyz;

3. Moskıtti torǵa senbeńiz! Olar balalardy qulaýdan qorǵaý úshin arnalmaǵan, kerisinshe jalǵan qaýipsiz sezim qaldyrady. Óte jıi balalar tormen birge qulaıdy;

4. Múmkindiginshe terezelerdi tómengi jaǵynan emes, joǵary jaǵynan ashyńyz;

5. Terezelerge arnaıy bekitpeni ornatyńyz, olar balaǵa terezeni birneshe santımetrden artyq ashýǵa múmkindik bermeıdi;

6. Eger siz balaǵa terezeden bir nárse kórsetseńiz, balany kıiminen ustamaı, balanyń jyldam qozǵalysyna daıyn bolyp, ony árqashan myqty ustańyz;

Qaýip paıda bolǵan kezde jáne qutqarý qyzmetiniń qajettigi týraly mańyzdy aqparatty habarlaý úshin Aqmola oblysy Tótenshe jaǵdaılar departamentiniń biryńǵaı kezekshi-dıspecherlik qyzmet basqarmasyna 112 telefon nómiri arqyly habarlasyńyzdar.