Sheshenstannyń prezıdenti bolǵan Djohar Dýdaev 1995 jyly «Vzglád» basylymyna bergen suhbatynda Reseıdiń josparlary jaıynda bar shyndyqty jaıyp salǵan vıdeosy jarıalandy, dep jazady Qamshy.kz aqparat agenttigi. Dýdaevtyń aıtýynsha, Reseı bıligi Sheshenstandaǵy soǵystan keıin áskerin Qyrymǵa alyp kirmek bolǵan.

«Reseıdiń Sheshenstanǵa degen kózqarasyn ózgertý úshin Reseıdiń ózi ózgerýi qajet. Reseı bıliginiń jospary búge-shúgesine deıin oılasytyrylǵan. Sheshenstannan soń Qyrymǵa kóz tigedi. Qyrymdy áli talaı qyrǵyn kútip tur. Ýkraınamen de qatyǵysady. Reseı quldyramaıynsha, menmendikten eshqashan bas tarpaıdy, josparlaryn júzege asyrmaı tynshymaıdy. Reseı – reketır. Eki uǵym búginde egiz sekildi. Iranǵa ıadrolyq tehnoloıany beremiz dep bopsalap, aqsha jasaıdy. Eger órkenıetti el muny qalamasa, aqshasyn beredi», - deıdi general.

Sondaı-aq, saıasatker Reseı josparynyń quramyna Estonıa, Latvıa, Lıtva,Qyrǵyzstan jáne Qazaqstannyń da kiretinin aıtyp qaldy.

Aıta keteıik, alǵashqy sheshen soǵysy 1994-1996 jyldary boldy, Reseı men Sheshenstannyń arasyndaǵy ekinshi soǵys 1999-2000 jyldar aralyǵynda ótti.

Djohar Dýdaev – sheshen jaýyngeri, memlekettik jáne saıası qaıratker, azattyq qozǵalysynyń basshysy. 1991 jyldyń 27 qyrkúıeginde Sheshenstan Respýblıkasyndaǵy Ichkerıanyń prezıdenti atandy. Alaıda Reseı bıligi memleketti moıyndamaı, elde soǵys bastalǵan. Reseılik áskrelerdiń málimetinshe, soǵys barysynda Dýdaev óltirilgen.