Áleýmettik jelide Oǵyz Doǵan esimdi túrkıalyq jýrnalısiń Eır-Astana ushaǵyndaǵy jolserikten qazaq tilinde qyzmet kórsetýdi suraǵan, alaıda oǵan jaýap retinde jolserik zań jazylǵan qaǵazdy usynyp, polısıa shaqyratynyn aıtqan vıdeosy taraldy dep jazady Qamshy.kz aqparat agenttigi.

Birneshe ýaqyttan keıin Facebook qoldanýshysy Oǵyz Doǵannyń polısıa bólimshesinde ekenin jáne oǵan zańger qajet ekenin jazǵan. Dál osy jazbanyń astyna Eır-Astananyń Facebook-tegi resmı paraqshasynan atalmysh oqıǵaǵa qatysty túsinikteme beriletini jazylǵan. Ázirge jaýap joq.

Jeli qoldanýshylary Eır-Astanany qatań synǵa alyp, qazaq tilinde qyzmet kórsetýdi talap etkeni úshin polısıaǵa alyp ketýdi bassyzdyqqa balap otyr.

Zańger Kamshat Esmuxambetqyzynyń aıtýynsha, zań boıynsha kez kelgen azamat qalaǵan tilinde jaýap ala alady.

"QR til týraly zańnyń 7-babyna sáıkes, tilderdiń qoldanylýyna kedergi keltirýge, Qazaqstan Respýblıkasynda tildik belgisi boıynsha azamattardyń quqyqtaryn kemsitýge jol berilmeıdi. Iaǵnı, kez kelgen azamat qaı tilde aqparat alǵysy kelse, sol tilde jaýap alý tıis. 

Elbasymyz Nursultan Ábishuly Nazarbaev tilderdi damytý týraly zańnamasyna sáıkes barsha qazaqstandyqtyń tildi meńgerýi qajet ekenin aıtqan. Al Oǵyz Doǵandy polısıaǵa áketkenine qatysty onyń is áreketin anyqtaǵan soń ǵana aıta alamyn. Negizsiz adamdardy ustap, reısten qaldyrý zańǵa qaıshy", – deıdi zańger.