Búginde búkil álemge ortaq máselelerdiń biri – terorızm. Terorızmmen kúres jolynda qanshama memleket kúsh biriktirdi, qarsy áreketter jasap baqty. Alaıda Tıbet býddısteriniń dinı basshysy terorızmdi kúshpen jeńý múmkin emestigin aıtty dep jazady Qamshy.kz aqparat agenttigi.

Dalaı Lama XIV álemde keńinen taralǵan ári úlken máselege aınalǵan terorızmdi sheshýdiń jalǵyz ádisi – dıalog ekenin aıtty.

«Áskerı kúsh bárin qyryp-joıa alady, alaıda aqyl, júrek, sanany ózgertýge onyń kúshi jetpeıdi», – dep keltirdi "Kommersant" basylymy býddızmniń rýhanı basshysynyń sózin.

Dalaı Lamanyń aıtýynsha, bir adamnyń ólimi, onyń týystary men jaqyndyrynyń janyn jaralaıdy, sol sebepti olar kek alýdy kózdeıdi.

Mysal retinde býddısterdiń dinı basshysy «Musylman elderiniń mıllıondaǵan turǵyndaryn bir-birine aıdap salyp otyrǵan» AQSH-tyń Iraktaǵy áreketin keltirdi.

«Bul ońashalanǵan ortany tek dıalogtyń kómegimen toqtatýǵa bolady», – dedi Dalaı Lama.