Oraldyń «Qazaq aýyl» atanyp ketken bóliginiń bir jaqsysy bunda kóshelerdiń basym kópshiliginiń ataýy qazaq tilinde. Jáne Alashorda qaıratkerleriniń bárine derlik kóshe aty berilgen desem qatty qatelespespin. Sol Alashorda arystarynyń biri Muqametjan Tynyshbaıuly 1905 jyly dýmada jasaǵan baıandamasynda bylaı degen eken: «Qazaqtar orystyń qol astyna kirgennen beri birde-bir shýaqty kún, baqytty sát bolǵan emes. Sodan beri eshkim de, shyn máninde eshbir adam qazaqtar úshin sál de bolsa ıgilikti is, nemese sol ıgilikti iske uqsas birdeńe isteý týraly oılaǵan joq». Bundaı azamattardyń atyn kóshege ǵana emes, eldi mekenge berse da artyq bolmaıdy ǵoı, ıá. Jeltoqsan aıy boıy el úshin janyn qıǵan ardaqtylarymyzdy ulyqtasaq, bul aıdyń shyrshaly sıpatyn ózgerip, Alashtyń aıy – Táýelsizdik aıyna aınala bastar ma edi...

(Nurlan Sádirdiń feısbýktegi paraqshasynan)