"Tymaq- tóbesinen, el- tóresinen tozar" degen halqymyz. Allaǵa sansyz shúkir, búginde qazaqtyń tymaǵy bútin, tóresi tórinde otyr. Osy aýyzbirliktiń qun-qadirine jetpegen, syrtqy kúshterdiń toryna qalaı shyrmatylyp jatqanynan beımaǵlum, sháı basynda shaınańdap, bir otbasyn basqara almaı júrip, Prezıdentti synap-mineıtinderdi túsingim kelmeıdi. Solarǵa bir kún memlekettik bılikti ustatsynshy, arttary terlep, shalbarlary sýlanyp, qos qulaqtary qyzaryp, sol kúni-aq "otstavkaǵa" keter edi. Alaıda, aýyzben egin ormasa, el basqarý ondaılardyń qoldarynan qaıdan kelsin.))) Búgingideı tóńirektegi teketiresterge, geosaıası jaǵdaılarǵa qarap sabaq alaıyq, shúkir deıik. Bul qaýip babalardy da alańdatqan. Biraq, ózara birlik bolmaǵandyqtan, bodandyqtyń qamytyn kıgen ek. Maǵjan: "Alystan orys, qytaı-aýyr salmaq. Jaqynnan tynshytpaıdy qalyń qalmaq. Aldyńda- or, artyńda- kór, jan-jaǵy jaý. Daǵdarǵan Alash endi qaıda barmaq?" dep sol bir beımaza kezeńdi meńzegen edi. Búgin de sol ahal. Sondyqtan bos sózdi buǵaqtap, ǵaıbatty qoıyp, el ishine iritki salmaı, erińdi, Elbasyńdy qolda, qazaq! Bizge dál qazir keregi- ulttyq birlik! Tuńǵysh Prezıdent kúni qutty bolsyn!

(Meıirjan Álibekulynyń feısbýktegi paraqshasynan alyndy)