«Nagasakı beınesi» atalǵan adam 88 jasqa kelgende qaza tapty, dep jazady Qamshy.kz aqparat agenttigi. Iadrolyq qarýdyń taralýyna belsendi túrde qarsy shyqqan Sýmıterý Tanıgýtıdiń ólimine onkologıalyq aýrý sebep bolǵan.

1945 jyly Nagasakı qalasynda zardap shekken turǵyndardyń arasynda Sýmıterý Tanıgýtı de bar. Ol denesindegi kúıikterine qaramastan, aman qalyp, ıadrolyq qarýdyń taralýyna qarsy shyqqan belsendi edi. Iadrolyq qarýǵa qarsy turýda bar qıyndyqqa tótep bergen Sýmıterý qarıa qaterli isikpen kúrese almady. 88 jasqa aıaq basqanda ómirden ozdy.

Tamyz aıy.. Nagasakı qalasyna qulaǵan bomba... Sol sátte Tanıgýtı epıortalyqtan 2 shaqyrym qashyqtyqta bolǵan edi. 16 jastaǵy poshtashy ádettegideı gazet tasyp júrgen ýaqytta jarylys tolqyny jigitti velosıpedinen ushyryp jibergen. Ózi aman qalsa da, 2 jyl ýaqyty azappen ótti. Denesindegi kúıikteri aıyqqansha ishimen ǵana jatyp júrdi, arasynda esinen tanyp qalatyn bolǵan.

«Oıanǵanymda ıyǵymnyń qısaıyp, arqamdaǵy terimniń qalaı ashylyp ketkenin óz kózimmen kórdim. Aınalamdy qara túnek basty, adamdardyń aıqaılaǵan, kómek surap jylaǵan daýystary estildi. Qala órtke aınaldy. Naǵyz tozaq...» – Sýmıterý Tanıgýtıdiń esteliginen.

1946 jyly AQSH fotografy Tanıgýtı emdelip jatqan aýrýhanaǵa baryp, ony sýretke túsirip alǵan edi. Sol jyldan beri sýret zardap shekken Nagasakı turǵyndarynyń sımvoly atandy.

Tanıgýtı Nagasakı polıgonynan aman qalǵandardyń tobyn bastap, ıadrolyq qarýdyń taralýyna belsendi túrde qarsylyq tanytty. Ol «Iadrolyq qarýdan eshkim, eshqashan azap shekpeýi tıis!» degen urandy ustanyp, ózi soǵan senimdi boldy...