Dúnıedegi eń qasıetti ári abyroıly kúres - Ult Azattyǵy úshin kúres. Eń qadirli de qasıetti osy Ult Azattyǵy úshin kúreste kózsiz erlikke barǵan nemese osy jolda qasyq qanyn qıǵan adam - dúnıedegi teńdesi joq uly tulǵa. Biraq, mundaı abyroıly mindet - kez kelgen pendeniń peshenesine jazyla bermegen.
Al, osyndaı Ult Azattyǵy úshin kúres - Qazaqta, Qazaq Eli tarıhynda bolyp pa edi? Jáne de osy Ult Azattyǵy jolyndaǵy Uly kúreste - teńdesi joq erlikke barǵan nemese osy jolda qurban bolǵan uly tulǵalar týraly ne aıtýǵa bolady?
Qazaq tarıhyndaǵy Ult Azattyǵy úshin qashan, qandaı kúrester boldy?
Ult Azattyǵy jolyndaǵy kúreste - Qazaqtan qandaı Ult Qaharmandary shyqty?
Sonaý 1991 jyly 16-jeltoqsanda jarıalanǵan Qazaqstan Respýblıkasynyń táýelsizdigi - shyn mánindegi Ult Azattyǵy úlshin bolǵan kúrestiń nátıjesi dep aıta alamyz ba?
1986 jyly Almatyda bastaý alǵan JELTOQSAN kóterilisin - Ult Azattyǵy úshin bolǵan kúres dep aıta alamyz ba?..
Qazaq Eli Táýelsizdigin jarıalaǵaly beri arada shırek ǵasyrǵa jýyq ýaqyt bolypty.
Osy táýelsizdik jyldary ishinde Qazaq Ultyn ańsaǵan armanyna jetken Ult dep aıta alamyz ba?
Keshegi qyzyl komýnıser búgin Qazaq Ulty úshin ne istedi? Qazaq Ultyn shyn mánindegi ushpaqqa jetkize aldy ma?
Qazaq Eliniń osy táýelsizdigi - Qazaqqa qandaı jolmen buıyrdy?
Ult Azattyǵy úshin kúres bolmaǵan elde - shyn mánindegi táýelsiz memleket ómirge kele me?
Qazaq ultynyń 250 jyl orys patshalyǵyna bodan bolýy, 70 jyldan astam aty - «keńestik», zaty - orystyq otarshyldyq bodandyq qamytyn kıýi - ultymyzdy qandaı qundylyqtardan aıyrdy?
Qazaqty qaıtadan orysqa máńgilikke bodandyqqa berý úshin Reseı, Belarýs, Qazaqstan basshylary ádeıi qoldan jasaǵan «Eýrazıalyq ekonomıkalyq odaq» degen qoraǵa kirgizip jiberýin - qalaı túsinesiz?
Toq eterin aıtqanda, Qazaq qaıtadan orysqa qul bolyp kete bermek pe?
Mine, osyndaı tyǵyryqqa tirelgen Ultta - Ult Azattyǵy úshin kúres bolýy múmkin be?
Ult Azattyǵy úshin kúres bola qalǵan jaǵdaıda, qazaqtan Ult Qaharmandary shyǵatynyna óz basyńyz senesiz be?..
Mine, osy jáne t.b. suraqtardy oqyrmandaryma qoıa otyryp, azamattarmen pikir almasqym keledi.
Jáne bul pikir almasý - qudaı qoldasa, taıaý arada úzilisten keıin óz jumysyn qaıta bastaıtyn, ózim jetekshisi bolyp tabylatyn «TANYM» pikirsaıys klýbynda kóteriletin bolady
«TANYM» pikirsaıys klýbynyń qandaı taqyryppen, qaı kezde jáne qaı arada bolatynyn kúni buryn habarlaıtyn bolamyz.
Jumash KENEBAI (KÓKBÓRİ)
