Qaraǵanda oblysy Qarqaraly qalasynyń ákimi Nurlan Batyrbekov óz erkimen qyzmetinen ketti. Bul týraly Tengrinews.kz habarlaıdy. Óz erkimen laýayzymynan bas tartqan ákim, bul sheshimin otbasylyq jaǵdaıǵa baılanysty dep qysqa qaıyrǵan. Esterińizde bolsa Qarqaraly qalasynynyń ákimi Nurlan Batyrbekovtiń  23 jasar stýdent uly óziniń 33 jastaǵy serigimen ýnıversıtet qabyrǵasyndaǵy tanysyn ólimshi halinde soqqyǵa jyqqan. Soqqy jegen jigit esinen  tanǵanda, ony óldige sanap qala syrtyndaǵy toǵaıǵa aparyp « VAZ» markaly kóliktiń artqy júk salǵyshyna salyp, kólikti órtep jiberip, oqıǵa ornynan izin jasyrǵan. Abyroı bolǵanda soqqy jep, denesin kúıik shalǵan jábirlenýshi jigit amalyn taýyp, sytylyp shyǵyp jol jıegindegi kólikterdi toqtatqan. Jábirlenýshini qalalyq aýrýhanaǵa súıekteri birneshe jerden synǵan, jaraqatty jaǵdaıda jetkizgen. Qarqaraly qalalyq qylmystyq ister polısıasy ákimniń ulymen onyń serigin ustaǵan. Burynyraq Nurlan Batyrbekovtiń balasy sýyq qarýdy saqtady  degen kúdikte júrgen bolatyn. Qos aıyptalýshy ústinen QR Qylmystyq kodeksiniń  24-96 baby boıynsha « Kisi ólimine qatysty» jáne 187 bab boıynsha « bótenniń múlkin joıyp jibergeni» degen aıyppen qylmystyq is qozǵalǵan bolatyn.