Búgin Astanada Qazaqstan Respýblıkasy Tuńǵysh Prezıdenti – Elbasy Qory Qazaqstan halyqtarynyń tilderi kúnine oraı úzdik qazaqtildi ınternet-saıt baıqaýyna ótinimder qabyldaý bastalǵanyn jarıalady, dep jazady Qamshy.kz aqparat agenttigi. Baıqaý ótkizýdegi seriktes – Memlekettik tildi damytý qory.

Baıqaý maqsaty – ınternet júıesindegi úzdik qazaqtildi resýrstardy anyqtaý men nasıhattaýǵa, aqparattyq resýrstar men servısterdiń sany men sapasyn arttyrýǵa, jeli qoldanýshylarynyń qyzyǵýshylyǵyn ulǵaıtýǵa, aqparat keńistiginde qazaq tiliniń qoldanys aıasyn keńeıtýge jáne úzdikterdiń tanymaldylyǵyn kóterýge yqpal etý.

Baıqaýǵa úkimettik emes, táýelsiz qoǵamdyq saıttar, ǵalamtor keńistigindegi tájirıbesi keminde bir jyldy quraıtyn, qazaq tilinde aqparat taratatyn jáne qyzmet túri Qazaqstan Respýblıkasynyń qoldanystaǵy zańnamasyna qaıshy kelmeıtin kez kelgen saıt qatysa alady. Baıqaýǵa memlekettik organdardyń, sheteldik uıymdardyń, buqaralyq aqparat quraldarynyń elektrondy nusqalary (gazet, TV, radıo) qatysa almaıdy.

Syılyq mynadaı nomınasıalar boıynsha taǵaıyndalady: «Ótkir til» — qazaq tilin jáne ulttyq qundylyqtardy nasıhattaýshy úzdik saıt, «Rýhanı azyq» – qazaq ádebıeti men mádenıetin nasıhattaýshy úzdik saıt, «Tereń izdenis» — qazaq eliniń tarıhyn nasıhattaýshy úzdik saıt, «Shynaıy ómir» – qoǵamdaǵy ózekti máselelerdi talqylaıtyn úzdik saıt, «Sport tynysy» — salaýatty ómir salty men sportty nasıhattaýshy úzdik saıt, «Bilim bulaǵy» — bilim beretin úzdik saıt, «Jastar álemi» — jastar taqyrybyna arnalǵan úzdik saıt, «Aımaq aınasy» - úzdik aımaqtyq saıt,  «Balalarǵa bazarlyq» - balalarǵa arnalǵan úzdik saıt, «Oıyn- saýyq» -  úzdik oıyn-saýyq saıty.

Árbir nomınasıa boıynsha jeńimpazǵa 385 myń teńge kóleminde aqshalaı syılyq tapsyrylady. Baıqaý qorytyndysy osy jylǵy qarasha aıynyń sońynda shyǵady.

Baıqaý jeńimpazdaryn belgili qoǵam qaıratkerleri, qalamger-jýrnalıster men baıqaý quryltaıshylarynan jasaqtalǵan qazylar alqasy anyqtaıdy.

Qazylar alqasy saıttardy mazmuny, qyzmet baǵyty, ınteraktıvtiligi, kórkemdik jaǵy, ıdeıa ereksheligi, tartymdylyǵy sekildi talaptar boıynsha saralap, jeńimpazdardy anyqtaıdy.

Baıqaý erejesimen Qazaqstan Respýblıkasy Tuńǵysh Prezıdenti – Elbasy Qorynyń www.fpp.kz jáne Memlekettik tildi damytý qorynyń www.qazaq-found.kz saıttarynan tanysýǵa bolady.

Baıqaýǵa ótinimder Memlekettik tildi damytý qorynyń info@qazaq-found.kz elektrondy mekenjaıyna 2017 jyldyń 11 qyrkúıeginen 11 qarashasyna deıin jiberilýi tıis. Baılanys tel. 8/7172/ 272609